Bakı/29.02.20/Turan: Ümumdünya Səhiyyə Təşkilatının tövsiyələrini və digər dövlətlərin təcrübələrini nəzərə alaraq, koronavirus riskinin yayılması ilə əlaqədar 29 fevral 2020-ci il tarixindən saat 16.00-dan etibarən iki həftəlik dövr ərzində Azərbaycan və İran arasında dövlət sərhədlərinin məhdudlaşdırıcı rejim əsasında bağlanması barədə qərar qəbul olunmuşdur. Bu barədə Nazirlər Kabinetinin fevralın 29 da ki sərəncamında deyilir.
Yaranmış vəziyyət İran İslam Respublikasının aidiyyəti dövlət qurumları ilə müzakirə olunmuş və Azərbaycan Respublikasının bu qərarı barədə İran İslam Respublikasına məlumat verilmişdir.
İran İslam Respublikası ilə əlaqələndirilmiş şəkildə Azərbaycan ərazisində olan İran vətəndaşlarının ölkədən çıxması, İran ərazisində olan Azərbaycan vətəndaşlarının müvafiq rejim tətbiq olunmaqla ölkəyə gəlməsini təşkil etmək üçün zəruri dəhliz təmin olunacaqdır.
Zəruri hallarda, İran İslam Respublikası vətəndaşlarına humanitar əsaslarla vizaların rəsmiləşdirilməsi həyata keçiriləcəkdir.-0-
Siyasət
-
Dekabrın 13-də 1 saylı Bakı İstintaq Təcridxanasında vəkil Elçin Sadıqova müdafiə etdiyi şəxs, “Meydan” TV-nin jurnalisti Aynur Elgünəşlə görüş verilməyib. Bu barədə Turan-a vəkil bildirib.
-
Bu ilin noyabr-dekabr aylarında Baş Prokurorluq kənd təsərrüfatı məhsullarının ixracı ilə məşğul olan şirkətlərə qarşı ondan çox cinayət işinin açıldığını və onların sahiblərinin həbs olunduğunu bildirib. Eyni zamanda, xarici banklarda "gizlədilmiş" böyük məbləğdə valyutadan söhbət gedib.
-
15 dekabr 2024-cü il tarixindən Azərbaycanın İrandakı səfirliyinin konsulluq şöbəsi öz fəaliyyətini bərpa edəcək. Bu barədə Azərbaycan Xarici İşlər Nazirliyinin məlumatında deyilir.
-
Cümə günü Azərbaycan Silahlı Qüvvələri Baş Qərargah rəisi Kərim Vəliyev NATO Müdafiə Kollecinin komandanı Maks Nielsenin rəhbərlik etdiyi nümayəndə heyətini qəbul edib.
Rəy yaz