![Azərbaycan Kaledoniyadan sonra Polineziyanın taleyilə maraqlanmağa başlayıb](https://turan.az/resized/news/2024/sijFEGwTznmZyyNZv7Tfz0chLfUi21uQhbFrR55c-750-500-resize.webp)
Azərbaycan Kaledoniyadan sonra Polineziyanın taleyilə maraqlanmağa başlayıb
Azərbaycan Kaledoniyadan sonra Polineziyanın taleyilə maraqlanmağa başlayıb
Fransa Polineziya parlamentinin və hakim Tavini Partiyasının nümayəndə heyəti Bakıya gəlib.
Milli Məclisdəki mənbələr bildiriblər ki, nümayəndələr Azərbaycan və Fransa Polineziyası arasında parlamentlərarası əməkdaşlığı və digər sahələrdə əməkdaşlıq məsələlərini müzakirə edəcəklər. Milli Məclisdə və ölkənin digər dövlət orqanlarında görüşlər planlaşdırılıb.
Səfər çərçivəsində "Fransa Polineziyasının dekolonizasiya hüququ: Çağırışlar və perspektivlər" mövzusunda konfrans keçiriləcək.
Səfər XXI əsrdə müstəmləkəçiliyə qarşı mübarizə sahəsində fəaliyyət göstərən Bakı Təşəbbüs Qrupunun dəvətilə baş tutub.
Xatırladaq ki, Paris açıq şəkildə ermənipərəst mövqe tutduqdan və Azərbaycanı Qarabağ ermənilərinin hüquqlarını pozmaqda ittiham etdikdən sonra Bakıda Kaledoniya və Polineziyanın məzlum xalqlarını yada saldılar. O vaxta qədərsə Azərbaycandan 15 min kilometr məsafədə müstəmləkəçilik rejimindən əziyyət çəkən "bədbəxt" adamların taleyi Bakını maraqlanmırdı.
* Fransa Polineziyası Sakit okeanın cənub hissəsində adalar qrupudur. Ümumi sahəsi 4167 kvadrat kilometrdir (keçmiş Dağlıq Qarabağın ərazisindən az), əhalisinin sayı 300 min nəfərdən azdır. İnzibati mərkəzi Taiti adasındakı Papeete şəhəridir (1 min kvadrat kilometr).
Fransa ali komissarı tərəfindən idarə olunur. Yerli hakimiyyət orqanları Nazirlər Şurası və ərazi assambleyasıdır.
Siyasət
-
“Şərq-Qərb” və “Şimal-Cənub” nəqliyyat dəhlizləri üzrə qarşılıqlı fəaliyyət Azərbaycan ilə Şanxay Əməkdaşlıq Təşkilatına üzv dövlətlər arasında əməkdaşlığın vacib sahəsini təşkil edir. Bu barədə Azərbaycan prezidenti İlham Əliyev bu gün Astanada “ŞƏT plyus” formatında görüş zamanı bildirib.
-
2023-cü il oktyabrın 12-də İranda həbsdən qaçıb ağ bayraq qaldıraraq Azərbaycan Respublikasının dövlət sərhədini keçib təslim olan İran vətəndaşı, azərbaycanlı fəal Puya Purhemməti Azərbaycan dövlət hakimiyyəti orqanlarında məruz qaldığı qanunazidd hallarla bağlı iyulun 3-də Azərbaycan Baş Prokurorluğunda sorğu-sual edilib.
-
İyulun 3-də Bakı Apellyasiya Məhkəməsi “Kanal-13” İnternet- televiziyanın əməkdaşı Şamo Eminovun həbs müddətinin uzadılması barədə şikayəti təmin etməyib. Bu barədə Turan-a onun vəkili Elçin Sadıqov bildirib. Onun sözlərinə görə, Eminov prosesdə iştirak edib və məhkəmənin qərarına etiraz edib.
-
Müsavat Partiyası sentyabrın 1-də Milli Məclisə keçiriləcək növbədənkənar seçkilərdə iştirak edəcək. Bu qərar Partiya Məclisinin bugünkü ilcasında qərara alınıb. Partiyanın seçki qərargahı yaradılıb, qəragaha Məclis sədri Arif Hacılı rəhbərlik edəcək.
Rəy yaz