Azərbaycan MDB Parlamentlərarası Assambleyanın nümayəndələrini parlament seçkilərinə dəvət edib

Milli Məclisin spikeri Sahibə Qafarova MDB Parlamentlərarası Assambleyasının sədri, Rusiya Federasiyası Şurasının rəhbəri Valentina Matvienkoya assambleyanın müşahidəçiləri üçün Azərbaycanda sentyabrın 1-də keçiriləcək növbədənkənar parlament seçkilərinə dəvət məktubu göndərib.

"Əminəm ki, Assambleyanın müşahidəçilər qrupunun iştirakı Azərbaycan və MDB PA arasında hərtərəfli əlaqələrin daha da inkişaf etməsinə və dərinləşməsinə şərait yaradacaq", deyə Qafarovanın məktubunda bildirilir.

MDB PA Şurasının Katibliyi monitorinq qrupunu formalaşdırmağa başlayacaq. Qrupa Assambleyanın iştirakçısı olan ölkələrin nümayəndələri, MDB PA-nın vəzifəli şəxsləri və MDB PA-nın Beynəlxalq Demokratiyanın İnkişafının Monitorinqi İnstitutunun ekspertləri daxil olacaq.

Bir müddət əvvəl Azərbaycan MSK-nın sədri Məzahir Pənahov 30 beynəlxalq təşkilata parlament seçkilərinin monitorinqində iştirak etmək üçün dəvətnamə göndərildiyini bildirib.