Bakı/27.04.18/Turan: Azərbaycan MSN-in məhsulları 10-dan çox ölkəyə ixrac olunur. Bu barədə bu gün Müdafiə Sənayesi Nazirliyinin 2018-ci ilin birinci rübünün yekunlarına həsr olunmuş kollegiya iclasında bildirilib.
Ötən ilin analoji dövrü ilə müqayisədə ixrac olunan məhsulun həcmi iki dəfə artıb. MSN müəssisələrində müdafiə təyinatlı məhsulların çeşidləri 1200 növə çatdırılıb.
Bu il nazirliyin müəssisələrində Müdafiə Sifarişi Proqramına uyğun 118 mövzunu əhatə edən 127 adda məmulat üzrə təcrübi-konstruktor işlərinin aparılması nəzərdə tutulur və aparılacaq işlər 181 mərhələni
əhatə edəcək. "Yaradılması nəzərdə tutlan məmulatlardan xüsusi təyinatlı hücum pulemyotunu, müxtəlif millimetrlik avtomat silahları, iri çaplı pulemyotlar və avtomatik toplar üçün lülələri, avtomatik qumbaraatan komplesini, lüləaltı qumbaraatanını və snayper tüfəngləri üçün optik nişangahları göstərmək olar", deyə məlumatda bildirilir.
Yeni müdafiə təyinatlı məmulatların yaradılması üzrə nazirliyin Elmi-Tədqiqat İnstitutu (ETİ) və Milli Aerokosmik Agentliyi (MAKA) tərəfindən dövlət sifarişi xətti ilə elmi-tədqiqat və təcrübi-konstruktor işləri uğurla davam etdirilib.
2018-ci ilin birinci rübündə nazirliyin qarşısında qoyulan tapşırıqların vaxtında təmin edilməsi üçün dünyanın inkişaf etmiş dövlətlərinin hərbi sənaye kompleksinə daxil olan şirkət və qurumlarla hərbi-texniki sahədə əməkdaşlığı davam etdirilib.
Məlumatda deyilir ki, Müdafiə Sənayesi Nazirliyi bu ilin iyununda Fransada keçiriləcək beynəlxalaq müdafiə və təhlükəsizlik sərgisində "EUROSATORY-2018" iştirak edəcəkdir. "EUROSATORY-2018" sərgisinə qatılan Müdafiə Sənayesi Nazirliyi bu sərgidə 268 adda məmulat nümayiş etdirəcəkdir.
Sərgidə ilk dəfə iştirak edən Azərbaycan 270 adda məhsul, həmçinin bir neçə müdafiə təyinatlı yeni məhsul təqdim edərəcək.
2018-ci ilin sentyabrında Bakıda "ADEX-2018" ənənəvi müdafiə sərgisi keçiriləcək. Yeni texnika iyunun 26-da Bakıda keçiriləcək Azərbaycan Ordusunun yaradılmasının 100 illik yubileyinə həsr olunmuş hərbi paradda da nümayiş olunacaq. -06D-
Siyasət
-
Sentyabr ayında Beynəlxalq Qızıl Xaç Komitəsinin (BQXK) əməkdaşları Azərbaycan tərəfinin haqqında məlumat verdiyi erməniəsilli şəxslərə yenidən baş çəkiblər.
-
İşçi Masası Həmkarlar İttifaqları Konfederasiyasının həbsdə olan üzvü Elvin Mustafayev aclıq elan edib. Bu barədə Turan-a fəalın yaxınları bildiriblər.
-
İranda İsrail kəşfiyyatına - Mosad-a qarşı mübarizə üçün xüsusi departament yaradılmışdı, bu departamentə Mosad tərəfindən cəlb edilmiş casus rəhbərlik edirdi. Bu barədə bazar ertəsi, sentyabrın 30-da İranın keçmiş prezidenti Mahmud Əhmədinejad CNN telekanalına müsahibəsində bildirib.
-
Dövlət başçısının sərəncamı ilə Rəhman Mustafayev Azərbaycanın Rusiyada səfiri təyin edilib.
Rəy yaz