Lavrov və Məmmədyarovun telefon danışığı
Bakı/27.04.18/Turan: Cümə günü RF XİN başçısı Sergey Lavrovun Azərbaycan xarici işlər naziri Elmar Məmmədyarovla telefon danışığı olub.
RF XİN-in mətbuat xidmətinin məlumatına görə, ikitərəfli münasibətlərdə aktual məsələlər müzakirə olunub. Nazirlər həmçinin V Xəzər Sammitinə hazırlıq və qarşıda duran Xəzərin Hüquqi Statusu haqqında Konvensiyanın imzalanması məsələlərinə toxunublar.
"Dağlıq Qarabağ nizamlanmasının bəzi aspektlərinə də toxunulub", deyə məlumatda bildirilir.
Xatırladaq ki, dünən Ermənistan XİN başçısı Edvard Nalbandyan Moskvaya gedib, orada Lavrovla Qarabağda təmas xəttində vəziyyəti müzakirə edib.
Ermənistan tərəfi ölkədə siyasi sabitliyin pozulması fonunda Azərbaycan tərəfindən döyüş əməliyyatlarının başlayacağından ehtiyatlandığını gizlətmir.
Ekspertlərin fikrincə, Moskva Azərbaycanı belə bir addımdan çəkindirməyə çalışır və RF Xarici Kəşfiyyat Xidmətinin rəhbəri Sergey Narışkinin bu yaxınlarda Bakıya səfəri də Bakını müharibəyə başlamamağa razılaşdırmaq məqsədi daşıyırdı. -02D-
Siyasət
-
Dövlət başçısının sərəncamı ilə Rəhman Mustafayev Azərbaycanın Rusiyada səfiri təyin edilib.
-
Fransanın Myuluz şəhərində yaşayan azərbaycanlı siyasi mühacir Vidadi İsgəndərlinin vəziyyəti ağır olaraq qalır. Bu barədə onun qardaşı Oqtay İsgəndərli Vidadi İsgəndərlinin müalicə aldığı klinikanın baş həkimi ilə görüşündən sonra Turan agentliyinə bildirib.
-
Bazar ertəsi Birləşmiş Ştatlar bildirib ki, Ukrayna öz silahları ilə Rusiyanın dərinliklərinə Qərbin icazəsi olmadan da zərbə endirə bilər.
-
Bakı Tehranın 2023-cü ilin yanvar ayında Azərbaycanın İrandakı səfirliyinə silahlı hücum həyata keçirmiş şəxs barəsindəki hökmü yerinə yetirməsini gözləyir.
Rəy yaz