Azərbaycan parlamentariləri Fransaya qarşı sanksiyalar tətbiq etməyə çağırıblar
Fransa Senatının Azərbaycana qarşı sanksiyalar tətbiq etməyə çağıran qətnaməsinə cavab olaraq Milli Məclisin Beynəlxalq münasibətlər komitəsi öz bəyanatında rəsmi Bakını Parisə qarşı cavab tədbirləri görməyə çağırıb.
Əsasən, Fransaya qarşı sanksiyaların tətbiq edilməsi, Fransa rəsmi şəxslərinin Azərbaycandakı bütün aktivlərinin dondurulması, Fransa ilə bütün iqtisadi əlaqələrin dayandırılması təklif olunur.
Həmçinin “Total” da daxil olmaqla, Fransa şirkətlərinin Azərbaycandan çıxarılması, Fransa şirkətlərinin Azərbaycanın sifarişilə həyata keçirilən istənilən layihədə iştirakına yol verilməməsi təklif olunur.
Azərbaycan Xarici İşlər Nazirliyinə tapşırılıb ki, Kanaka, Maohi-Nui və Korsikanın müstəqilliyinin tanınması üçün addımlar atsın.
*Yanvarın 17-də Fransa Senatı ötən ilin sentyabrında Bakının Qarabağda öz suveren ərazisində keçirdiyi antiterror əməliyyatına görə Azərbaycana qarşı sanksiyaların tətbiqini tələb edən qətnaməni demək olar ki, yekdilliklə qəbul edib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz