Azərbaycan Silahlı Qüvvələri Laçına daxil oldu, ermənilərin qaçmağa macal tapmadı

Bakı/01.12.20/Turan: Dekabrın 1-i  gecə yarısı, Azərbaycan Silahlı Qüvvələrinin kolonları Laçın rayonu ərazisinə iki istiqamətdən daxil olmağa başlayıb. Erməni əhalisi kəndləri  tərk etsədə, ancaq Laçın şəhərinin  özündən çıxmamışdı. Ermənistan rəhbərliyi Laçın şəhərinin ermənilərin nəzarətində qalacağını desə də   bir daha özünü və əhalini aldadıb. Lakin 30 noyabrda ermənilərə axşam saat 6-ya qədər Laçın şəhərini tərk etməli olduqları bildirilib.

Paşinyanın keçmiş müşaviri Hakob Çaxaryan facebook səhifəsində dörd gün əvvəl ermənilərə Laçından 30 noyabr saat 18: 00-a qədər çıxıb şəhəri təslim etmələri lazım olduğunu söyləyib. Ancaq ertəsi gün Qarabağ separatçılarının liderləri Laçının və ən yaxın iki kəndin ermənilərin nəzarətində qalacağını və oraları tərk etməyə  ehtiyac olmadığını söyləyib.

"Bu gün, 30 noyabr, saat 17: 00-da (göstərilən vaxtdan bir saat əvvəl) dedilər ki, saat 18: 00-da sakinlər şəhəri və yaxın kəndləri tərk etməlidirlər. İnsanların bu ərazilərdən çıxmaq üçün imkanı və vaxtları yoxdur. İndi nə edəcəyik? Niyə indiyə qədər onları aldatmısınız? İndi bu insanlara necə kömək edə bilərik?", - deyə Çaxaryan yazıb.—0-