Azərbaycan Talibanı tanımağa qərar verib?
Azərbaycanın Əfqanıstandakı yeni səfiri İlham Məmmədov Kabilə səfər edərək Taliban hökumətinin Xarici İşlər Nazirliyinin rəhbəri Əmir Xan Muttaqi ilə görüşüb.
Bu barədə Taliban hökumətinin Xarici İşlər Nazirliyinin rəsmi nümayəndəsi Əbdül Kahar Bəlhi X sosial şəbəkəsində yazıb.
Məmmədov Azərbaycanın Kabildə səfirliyinin açılması barədə məktubu Əfqanıstan Xarici İşlər Nazirliyinin rəhbərinə təqdim edib.
13 yanvar 2021-ci ildə prezident İlham Əliyev Azərbaycanın Əfqanıstanda səfirliyinin açılması haqqında qanun imzalayıb. Həmin ilin iyul ayında Məmmədov Azərbaycanın Kabildə səfiri təyin edilib.
Ötən ilin sonunda Azərbaycanın xarici işlər naziri Ceyhun Bayramov 2024-cü ildə Bakının Əfqanıstanda səfirlik açmaq planlarından danışıb.
Xatırladaq ki, Azərbaycan hərbçiləri Əfqanıstanda beynəlxalq antiterror əməliyyatında iştirak ediblər.
Taliblər hakimiyyəti ələ keçirdikdən sonra onlar türk hərbçilərlə birlikdə Əfqanıstanı son tərk edənlərdən olub.
Qeyd edək ki, Taliban Qərb ölkələri tərəfindən terror təşkilatı kimi tanınıb.
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz