![“Azərbaycan və ABŞ bir çox sahələrdə tərəfdaş olublar” - Hüqo Gevara](https://turan.az/resized/media/2023/main/062300063721-750-500-resize.webp)
“Azərbaycan və ABŞ bir çox sahələrdə tərəfdaş olublar” - Hüqo Gevara
Bakı/24.06.23/Turan: yunun 23-də ABŞ-ın Azərbaycandakı səfirliyində Amerika Birləmiş Ştatlarının Müstəqillik Bəyannaməsinin 247-ci ildönümünə həsr olunmuş qəbul təşkil olunub. Qəbulda Azərbaycan hökumətinin, parlamentinin, vətəndaş cəmiyyətinin, siyasi partiyalarının, media qurumlarının, xarici diplomatik korpusların təmsilçiləri iştirak edib.
Tədbirin builki mövzusu ölkənin mədəni və coğrafi müxtəlifliyini simvolizə edən 4 şəhəri - Las-Veqas, Yeni Orlean, Nyu-York, San-Fransiskonu əks etdirən "Amerikaya səyahət" olub.
ABŞ-nin Azərbaycandakı müvəqqəti işlər vəkili Hüqo Gevara bildirib ki, Azərbaycan ilə Amerika Birləşmiş Ştatları (ABŞ) arasında ikitərəfli münasibətlər tərəfdaşlıq səviyyəsinə yüksəlib.
"Ölkəmiz 247 il əvvəl müstəqilliyini elan edəndə dünyanın ucqar guşəsində yerləşən 13 kiçik ştatın ətraf ölkələr üçün dost və tərəfdaş olacağını çox az adam təsəvvür edə bilərdi. Gücümüz və inamımız artdıqca, Birləşmiş Ştatlar dünyada müsbət qüvvə olmağa qərar verdi", o qeyd edib.
O xatırladıb ki, İkinci dünya müharibəsindən sonra ABŞ Avropanın bərpasında müsbət rol oynayıb.
"Bu gün ABŞ Ukraynanın ərazi bütövlüyünə, müstəqilliyinə və suverenliyinə dəstəyində sadiqdir".
Müvəqqəti işlər vəkili ABŞ-ın regional sülh və sabitliyin əldə olunmasında, Avropanın enerji təhlükəsizliynin təşviqində, ikitərfəfli ticarət və investisiyaların genişləndirilməsində, transmilli təhdidlər kimi sahələrdə Azərbaycanla əməkdaşlığa sadiqliyini vurğulayıb.
"Son 30 il ərzində Azərbaycan və ABŞ bir çox sahələrdə tərəfdaşa çevrilib", Qevera qeyd edib.
Azərbaycanın maliyyə naziri Samir Şərifov deyib ki, ötən il iki ölkə arasında diplomatik münasibətlərin 30-cu ildönümü qeyd olunub.
"Bu münasibətlər bərabərhüquqlu tərəfdaşlıq və qarşılıqlı maraqlar əsnasında inkişaf edib. Bu, enerji təhlükəsizliyi, terrorizmlə mübarizə sahəsində genişlənib".
Şərifov xatırladıb ki, ABŞ Prezidenti Co Bayden Azərbaycanın Müstəqillik Günü münasibətilə təbrik məktubunda ölkələr arasında strateji tərəfdaşlığı dəstəklədiyini, Azərbaycanla Ermənistan arasında sülhün bütün regionda sabitliyi təmin edəcəyini vurğulayıb.
"Biz inanırıq ki, ABŞ Cənubi Qafqaz regionunda sülhün və sabitliyin bərqərar olması, azad olunan ərazilərin yenidən qurulması və "Böyük Qayıdış"səylərini bölüşür və dəstəkləyəcək. ABŞ və Azərbaycan arasında etibarlı tərəfdaşlıq formalaşıb. Bu tərəfdaşlıq ümumi məqsəd və maraqlarla daha da möhkəmlənir. Biz əməkdaşlığımızın uğurla davam edəcəyinə inanırıq", o qeyd edib.-0-
-
- Siyasət
- 24 İyun 2023 02:08
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz