![Джон Болтон](https://turan.az/resized/750/500/resize/media/2019/main/061900019746.jpg)
Джон Болтон
Azərbaycan və Ermənistan XİN başçıları Vaşinqtonda Con Boltonla görüşəcəklər
Vaşinqton/19.06.19/Turan: Azərbaycan və Ermənistan XİN başçıları iyunun 20-də Vaşinqtonda Qarabağ münaqişəsinin nizamlanması üzrə danışıqlar aparacaqlar.
Nazirlər Zöhrab Mnatsakanyan və Elmar Məmmədyarovun münaqişə zonasında hazırki gərginliyi və atəşkəs rejiminin möhkəmləndirilməsi yollarını, habelə dialoqun yüksək səviyyədə davam etdirilməsi məsələsini müzakirə edəcəkləri gözlənilir, bu barədə Turan-ın Vaşinqton müxbirinə ABŞ paytaxtındakı diplomatik mənbələr bildirib.
Nazirlərin görüşü ATƏT-in Minsk Qrupunun həmsədrləri Endryu Şoffer (ABŞ), İqor Popov (Rusiya), Stefan Viskonti (Fransa), habelə ATƏT sədrinin şəxsi nümayəndəsi Andjey Kasprşikin iştirakı ilə keçiriləcək.
Görüş başa çatdıqdan sonra hər iki nazir dövlət katibinin müavini Con Sallivanla görüşmək üçün ayrı-ayrılıqda Dövlət Departamentinə gedəcək. Nazirləri ABŞ prezidentinin milli təhlükəsizlik üzrə müşavri Con Bolton tərəfindən də qəbul ediləcəkləri gözlənilir.
"Birləşmiş Ştatlar regionda sülhün təşviqinə yardım etməyə hazırdır", deyə Bolton dünən axşam Tvitter akkauntunda yazıb. -23B-
Siyasət
-
Çərşənbə axşamı Ermənistan xarici işlər naziri Ararat Mirzoyan Türkiyənin xarici işlər naziri Hakan Fidan ilə telefon danışığı aparıb.
-
Müxalif siyasətçi və alim Qubad İbadoğlunun işi üzrə həbs olunmuş iqtisadçı Fazil Qasımov 1 saylı Bakı İstintaq Təcridxanasından yerli və dünya ictimaiyyətinə müraciət edib.
-
İyunun 25-də Bakının Səbail Rayon Məhkəməsi "Kanal 13" YouTube kanalının direktoru Əziz Orucovun və onun əməkdaşı Şamo Eminovun həbs müddətini daha 3 ay (sentyabrın 27-nə qədər) uzadıb. Bu barədə Turan-a vəkil Fəxrəddin Mehdiyev bildirib.
-
Bir qrup alim və tədqiqatçı ABŞ dövlət katibi Entoni Blinkeni Bakıda ev dustaqlığında olan azərbaycanlı iqtisadçı doktor Qubad İbadoğlunun işinə müdaxilə etməyə çağırıb. 50-dən çox alim tərəfindən imzalanmış məktubda doktor İbadoğlunun səhhətinin pisləşdiyi qeyd edilir və onun xaricdə tibbi yardım almasına imkan yaratmaq üçün təcili tədbirlər görmək xahişi yer alır.
Rəy yaz