Bakı/19.06.19/Turan: İyunun 18-də mətbuat konfransında müdafiə naziri Zakir Həsənov bir həftə əvvəl Gəncədə təlim mərmisinin yaşayış evinə düşməsi ilə bağlı verdiyi izahatla ictimaiyyəti təəccübləndirib.
Nazirin sözlərinə görə, mərmi təlim poliqonunda buraxılıb, o, qayaya dəyib və sıçrayaraq 18 km uçub. Nazir atışın hansı növ silahdan həyata keçirildiyini deməyib, amma mütəxəssislər mərmini tank təlim mərmisi kimi dəyərləndiriblər.
Bu cür mərmilərdən birbaşa nişanalma ilə və asan dəlinən təlim hədəflərinə, məsələn, fanerdən olan hədəflərə atəş açmaq üçün istifadə olunur.
T-72 tank mərmisinin uçuş məsafəsi təxminən 9 km-dir. Birbaşa nişanalmada hədəf təxminən 1-3 km məsafədə yerləşə bilərdi. Sıçrama zamanı mərmi kinetik enerjisinin ən az 25%-ni itirir, bu isə o deməkdir ki, qayaya dəydikdən sonra o, maksimum 6 km uça bilərdi.
Amma mərmi evə şaquli şəkildə düşüb, damı və tavanı dəlib (fotoşəklə bax). Bu, mərminin uçma nöqtəsindən yüksəklik bucağı 60 dərəcəyə qədər olduqda baş verə bilərdi. Amma belə dik trayektoriyada mərmi daha çox enerji itirərdi və daha az məsafə qət edərdi.
Bütün bunlar nazirin izahatından şübhələnmək üçün əsas verir və yalnız Gəncədə əslində nə baş verdiyi haqqında suallar doğurur. -0-
Cəmiyyət
-
NİDA vətəndaş hərəkatı iyunun 15-də bu təşkilatın üzvü Nicat Əmiraslanovun saxlanması ilə bağlı bəyanat yayıb.
-
Çimərlik mövsümünün başlaması ilə əlaqədar Azərbaycan FHN əhalini dəniz sahilində istirahət zamanı təhlükəsizlik tədbirlərinə riayət etməyə çağırıb.
-
İyunun 16-da Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim cənub-şərq küləyi əsəcək.
-
İyunun 14-də polis əməkdaşları ölkə ərazisində bir neçə reyd zamanı 66 kq-dan çox narkotik vasitə aşkar edərək götürüb. DİN-in məlumatına görə, qanunsuz dövriyyədən çıxarılan narkotik vasitələr 4,9 kiloqrama yaxın heroin, 58,9 kiloqrama yaxın marixuana, 2 kiloqrama yaxın metamfetamin, həmçinin 8808 ədəd metadon həbi və kultivasiya yolu ilə yetişdirilmiş 105 ədəd çətənə kolu olub.
Rəy yaz