Azərbaycan və Fransa ailmləri soyqırım məsələsini birgə tədqiq edəcəklər

“Azərbaycan-Avropa cəmiyyəti” və Fransanın Yahad in Unum təşkilatı bundan sonra soyqırım məsələsini, xüsusən Xolokostu birgə tədqiq etmək niyyətindədirlər.

"II Dünya müharibəsi və Qafqazda Xolokostun aradan qaldırılmasında Azərbaycanın rolu" ikigünlük beynəlxalq simpoziumun yekununda mətbuat konfransı zamanı “Yahad in Unum” prezidenti Patrik Despois (Patrik Despois) bildirib ki, bu prolematika üzrə tədqiqat şəbəkəsi yaradılacaq.

“Ən başlıcası qarşılıqlı anlaşma var. Təşkilatımız Azərbaycana tarixi vacib məsələləri öyrənməkdə kömək edəcək”, - deyə Despois qeyd edib.

“Azərbaycan-Avropa cəmiyyəti” təşkilatı adından çıxış edən professor Kərim Şükürov II Dünya müharibəsi zamanı yəhudilərin SSRİ-nin Avropa hissəsindən Azərbaycana köçürülməsi və onların soyqırımdan xilası barədə faktları araşdırmaq üçün arxiv işlərinin davam etdiyini bildirib. Onun sözlərinə görə, indiyəcən o dövrün şahidlərindən sağ qalanlar var. Fransalı tərəfdaşların təcrübəsi Xocalı soyqırımı üzrə nəticələr əldə etmək üçün də vacibdir, deyə o qeyd edib.

Simpoziumun işgüzar hissəsi 17-18 oktyabrda “Qafqaz Point” otelində keçirilib. Oktyabrın 19-da qonaqlar şəhərin görməli yerləri ilə tanış olacaqlar. Tədbirdə ABŞ, Böyük Britaniya, Türkiyə, Ukrayna tarixçiləri və diplomatları da iştirak edir. --17D—