Açiq mənbələrdən foto.
Bakı/06.10.23/Turan: Bu gün Zəngilan rayonunun Ağbənd qəsəbəsində Azərbaycandan İrana Araz çayı üzərində avtomobil körpüsünün təməlqoyma mərasimi keçirilib.
Layihə Azərbaycan Respublikasının Şərqi Zəngəzur iqtisadi rayonu və Naxçıvan Muxtar Respublikası arasında İran ərazisilə yeni kommunikasiya əlaqələrinin yaradılması haqqında Azərbaycan-İran hökumətlərarası memorandumuna uyğun olaraq həyata keçirilir.
Körpünün tikintisilə eyni vaxtda sərhəd-gömrük infrastrukturu da yaradılacaq.
Mərasimdə iqtisadi əməkdaşlıq üzrə ikitərəfli dövlətlərarası komissiyasının azərbaycanlı həmsədri, baş nazirin müavini Şahin Mustafayev və komissiyanın iranlı həmsədri, yollar və şəhərsalma naziri Mehrdad Bazrpaş iştirak ediblər.
Onlar öz çıxışlarında qeyd ediblər ki, yaradılan avtomobil və sərhəd-gömrük infrastrukturu obyektləri yükdaşımaların artırılmasına xidmət edəcək və Naxçıvan Muxtar Respublikasına giriş-çıxışı asanlaşdıracaq.
Tikinti başa çatdıqdan sonra yeddi zolaqlı avtomobil körpüsündən hər gün ən azı 1100 avtomobil keçə biləcək. 06B
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz