Azərbaycan və RF prezidentləri Qarabağ nizamlanmasını müzakirə ediblər
Bakı/01.09.18/Turan: "Rusiya və Azərbaycan arasındakı münasibətlər strateji tərəfdaşlıq münasibətləridir. Onlar həyatımızın bütün sahələrini əhatə edir. Və bu gün, səfər çərçivəsində biz ikitərəfli münasibətlərimizin bir çox aspektlərini, beynəlxalq məsələləri ətraflı müzakirə etdik", deyə Azərbaycan prezidenti İlham Əliyev şənbə günü Rusiyalı həmkarı Vladimir Putinlə danışıqları başa çatdıqdan sonra bildirib.
"Qeyd etmək istərdim ki, müzakirə etdiyimiz məsələlər arasında regional təhlükəsizlik məsələləri, ilk növbədə uzun müddətdir davam edən və Azərbaycan xalqının çox əziyyət çəkməsinə səbəb olan Ermənistan-Azərbaycan Dağlıq Qarabağ münaqişəsinin nizamlanması məsələsi mühüm yer tutur", deyə Azərbaycan prezidenti qeyd edib.
Əliyev deyib ki, "uzun illərdir Azərbaycanın beynəlxalq səviyyədə tanınmış ərazisi erməni işğalı altındadır, bir milyondan çox azərbaycanlı bu münaqişə nəticəsində qaçqın və məcburi köçkünə çevrilib".
"Rusiya münaqişənin nizamlanması ilə məşğul olan ATƏT-in Minsk Qrupunun həmsədri kimi nizamlanma işində mühüm rol oynayır. Rusiya bizim qonşumuz, tarixi tərəfdaşımız və dostumuzdur. Və biz münaqişənin nizamlanması işində Rusiyanın səylərinin davam edəcəyinə ümid edirik", deyə Əliyev bildirib.
Putin daha çox iqtisadi əməkdaşlığa diqqət çəkib.
Bu zaman o, Şimal-Cənub nəqliyyat dəhlizi layihəsini xüsusi olaraq qeyd edib.
"Qərbi Avropa bazarlarını Asiya istehsalçıları ilə birləşdirəcək "Şimal-Cənub" beynəlxal nəqliyyat dəhlizinin yaradılmasını ən perspektivli layihələrdən biri hesab edirik. Bu, Cənubi Asiya və Yaxın Şərqdən İran vasitəsilə Avropaya yük daşımalarını xeyli sürətləndirməyə imkan verəcək. Bu yolun ümumi uzunluğu 7 min kilometrdən çoxdur. Buraya dəmiryolu, gəmi və avtomobil əlaqəsi daxil olacaq. Bu zaman "Şimal-Cənub" dəhlizinin böyük hissəsi Rusiya və Azərbaycan ərazilərindən keçəcək. Qeyd edim ki, artıq marşrutun ayrı-ayrı hissələri üzrə iş aparılır. Gələn il ölkələrimiz Samur sərhəd çayı üzərindən körpü tikintisini yekunlaşdırmaq niyyətindədir", deyə Putin bildirib. -06D-
Siyasət
-
Rusiya sülhməramlılarının hərbi texnikalarının növbəti partiyası bu gün Azərbaycandan çıxarılıb. Onlarla zirehli maşın Goran dəmiryolu stansiyasında (Goranboy rayon mərkəzi yaxınlığında) yüklənib və Rusiyaya aparılıb.
-
Azərbaycan prezidentinin köməkçisi Hikmət Hacıyev mayın 17-də Ağ Evdə ABŞ prezidentinin milli təhlükəsizlik üzrə müşaviri Ceyk Sallivanla görüşüb.
-
13 saylı cəzaçəkmə müəssisəsində həbs cəzası çəkən Azərbaycan Beynəlxalq Bankının (ABB) keçmiş sədri Cahangir Hacıyevin səhhəti pisləşib. Lakin ona ixtisaslaşmış tibbi yardım göstərilmir, bu barədə Turan-a mayın 17-də Hacıyevlə görüşən vəkil Fəxrəddin Mehdiyev bildirib.
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
Rəy yaz