Bakı/16.03.20/Turan: Azərbaycan və Rusiya iki ölkə vətəndaşlarının səfərlərini qarşılıqlı olaraq dayandırır. Bu barədə razılıq martın 16-da Azərbaycanın baş naziri Əli Əsədov ilə Rusiya Federasiyası hökumətinin başçısı Mixail Mişustin arasında telefon danışığı zamanı əldə olunub.
Əsasən 18 mart saat 00:00-dan iki ölkə vətəndaşlarının qarşılıqlı səfərlərinin müvəqqəti olaraq dayandırılması barədə razılığa gəlinib. Bu barədə Nazirlər Kabineti yanında Operativ qərargahın məlumatında bildirilir. Məhdudiyyət yüklərə şamil olunmayacaq.
Eyni zamanda press-relizdə qeyd olunur ki, Azərbaycan vətəndaşlarının geri qayıtması üçün çarter reyslərinin təşkili planlaşdırılır.-0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz