Azərbaycan və Serbiya Niş şəhərində elektik qaz stansiyası inşa edəcəklər

23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.

Görüş zamanı iki ölkə arasında mövcud strateji tərəfdaşlıq münasibətlərindən məmnunluq ifadə olunub, qarşılıqlı yüksək səviyyəli səfərlərin əhəmiyyəti vurğulanıb.

Görüşdə ikitərəfli strateji tərəfdaşlıq münasibətləri, eləcə də regional təhlükəsizlik məsələləri ətrafında fikir mübadiləsi aparılıb.

Həmsöhbətlər Azərbaycan və Serbiya tərəfindən hər zaman qarşılıqlı şəkildə ərazi bütövlüyü və suverenliyinə göstərilən davamlı dəstəyin təqdirəlayiq olduğunu bildiriblər, Azərbayca Xarici İşlər Nazirliyinin məlumatında deyilir.

"Danışıqlar zamanı iqtisadi, hərbi-sənaye əməkdaşlığına və Azərbaycanın Expo-2027-də (Belqradda keçiriləcək) iştirakına xüsusi diqqət yetirilib.

Vətəndaşlarımızı əlavə elektrik enerjisilə təmin edəcək Niş şəhərinə yaxın electrik qaz stansitasının birgə tikintisi planları böyük əhəmiyyət kəsb edir", - Serbiya prezidentinin Facebook hesabındakı məlumatda deyilir.