Azərbaycan Xalq Cəbhəsi Partiyasının fəalı altı sutkadır quru aclıq edir
Azərbaycan Xalq Cəbhəsi Partiyasının fəalı Elnur Həsənov altı sutkadır 1 saylı Bakı İstintaq Təcridxanasında aclıq edir.
Partiyadan Turan-a bildiriblər ki, bu gün Penitensiar Xidmətin Əməliyyat Rejim İdarəsinin rəisi Fikrət Qafarov onunla görüşərək bir saatdan artıq müddətə söhbət edib, bütün problemlərini dinləyib qeydlər götürüb. Məsələni aidiyyatı orqanlara çatdıracağını deyib.
Bu gün həmçinin təcridxananın tibb-sanitar hissəsində Həsənovu müayinə ediblər və məlum olub ki, onun arterial təzyiqi 80/60-a düşüb.
Partiya yoldaşları Həsənovu aclığı dayandırmağa razı salmağa çalışsalar da, o quru aclığı davam etdirir.
Həsənov aprelin 18-də məhkəmədə çıxış etmək üçün hazırladığı qeydlərin götürülməsinə etiraz olaraq aclıq elan edib.
*Elnur Həsənov 28 noyabr 2023-cü ildə narkotik maddələrin qanunsuz dövriyyəsi ittihamı (Cinayət Məcəlləsinin 234.4.3-cü maddəsi) ilə həbs edilib. Fəal hesab edir ki, həbsinin əsl səbəbi yol polisi rəhbərliyinin hərəkətlərini tənqid etməsidir.
Siyasət
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Azərbaycan, Prezident İlham Əliyevin himayəsi altında COP29 iqlim konfransı çərçivəsində üçüncü Qlobal Dini Liderlər Sammitinə, “Dünya dinləri yaşıl planet uğrunda” mövzusunda ev sahibliyi edir. Sammit, Azərbaycanın Ekologiya və Təbii Sərvətlər Nazirliyi, Dini Qurumlarla İş üzrə Dövlət Komitəsi, Beynəlxalq Müsəlman Ağsaqqallar Şurası, Qafqaz Müsəlmanları İdarəsi və BMT-nin Ətraf Mühit Proqramı tərəfindən təşkil olunub və iqlim dəyişikliyinə qarşı mübarizədə mənəvi perspektivləri birləşdirməyi hədəfləyir.
-
Bazar ertəsi ABŞ bildirib ki, Kremlin Moldova xalqının iradəsini pozmaq cəhdləri "uğursuz olub", - Turan-ın Vaşinqton müxbiri bildirib.
-
Hazırda Rusiyanın dezinformasiyası Amerikadakı seçkilərə ictimai etimadın pozulması üçün "ən fəal təhdiddir", - Turan-ın Vaşinqton müxbiri bildirib.
Rəy yaz