Azərbaycan XİN NATO aviasiyası üçün dəhlizin bağlanması barədə məlumatları təkzib edir

Bakı/08.04.19/Turan: Azərbaycan XİN Əfqanıstana uçan NATO aviasiyası üçün hava dəhlizinin bağlanması barədə Almaniyanın bəzi KİV-də yayılmış məlumatları təkzib edib.

Əsasən Spiegel nəşri bildirir ki, mart ayından Azərbaycan Əfqanıstana yük daşınması üçün NATO təyyarələrinin öz ərazisi üzərindən uçuşuna icazə vermir.

"Azərbaycan tərəfdaşlıq və beynəlxalq hüquq normaları əsasında NATO üzv ölkələri ilə əməkdaşlıq edib, hazırda edir və gələcəkdə də bu əməkdaşlığı davam etdirəcək", - Azərbaycan XİN rəsmi nümayəndəsi Leyla Abdullayeva bildirib.

O, Almaniya KİV-də dərc edilən belə məlumatları əsassız adlandırıb, bunun Azərbaycana qarşı qeyri-obyektiv münasibətdən xəbər verdiyini deyib.

Qeyd edək ki, Spiegel-in məlumatına görə, Bundesver hərbi qulluqçuları Əfqanıstana uçmaq üçün AFR HHQ-dən istifadə edə bilməyəcək və Amerikanın C-17 hərbi-nəqliyyat təyyarələrindən istifadə etməli olacaqlar.

Bu vəziyyət Azərbaycanın NATO-ya öz ərazisi üzərindən uçmağa icazə verməkdən imtina etməsindən sonra yaranıb.

Əsasən Azərbaycan öz hava məkanından uçuşa icazədən imtina etdikdən sonra Bundesver təyyarəsi martın sonunda Əfqanıstana uçuşu ləğv etməli olub. -02D-