Azərbaycan XİN sərhəddə baş vermiş insidentlə bağlı Gürcüstan hakimiyyətindən açıqlama tələb edib
Bakı/15.07.19/Turan: İyulun 14-də Gürcüstan tərəfdən bir qrup şəxsin Azərbaycanın dövlət sərhəddini pozaraq Azərbaycan ərazisində yerləşən "Keşikçidağ" mağaralar kompleksi yaxınlığında xidmət aparan sərhəd naryadına hücum etməsi və onları təhqir etməsi ilə bağlı bu gün Gürcüstanın Azərbaycandakı səfiri XİN-ə çağırılıb. Səfirdən məsələ ilə bağlı müvafiq izahat istənilib. Bu barədə Azərbaycan XİN-in mətbuat xidmətinin məlumatında deyilir.
"Təəssüf hissi ilə qeyd edirik ki, bu cür hərəkətlərə yol verilməsi Azərbaycan və Gürcüstan arasında mövcud olan strateji tərəfdaşlıq münasibətlərinin ruhuna tamamilə ziddir və bunu iki ölkə arasında qarşıdurmaya yönəlmiş təxribat kimi qiymətləndiririk", - bəyanatda bildirilir.
Azərbaycan XİN bu insidentin araşdırılaraq müvafiq tədbirlərin görülməsini və XİN-in məlumatlandırılmasını Gürcüstan tərəfdən tələb edib, XİN-in məlumatında deyilir.-06D--
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz