Azərbaycan XİN vətəndaşların Rusiyadan qayıdışı barədə
Bakı/20.04.20.Turan: Azərbaycan XİN Rusiyada olan və Azərbaycana qayıtmaq istəyən ölkə vətəndaşlarına müraciət edərək www.evegedirem.info İnternet resursunda qeydiyyatdan keçməyə çağırıb. Qeydiyyata alınanlar ölkəyə qayıdanların növbəsinə daxil olacaqlar. Bu barədə Azərbaycan XİN-in məlumatında bildirilir.
Aprelin 18-dən başlayan qeydiyyat aprelin 23-də Moskva vaxtı ilə saat 00:00-dək davam edəcək. Bundan sonra Azərbaycan vətəndaşlarının sərhəd məntəqələri vasitəsilə ölkəyə qayıdış tarixləri müəyyənləşdiriləcək. Məlumata görə, ölkəyə qayıdan hər bir vətəndaş karantinə yerləşdiriləcək.
Qeyd edək ki, hazırda 200-300 nəfər Azərbaycan vətəndaşı 10 gündür Dağıstanda Azərbaycan-Rusiya sərhəddində geri dönmələrini gözləyir. Nazirlər Kabineti yanında Operativ Qərargahın qərarı ilə koronavirusun yayılmasına qarşı mübarizə tədbirləri çərçivəsində bütün sərhəd məntəqələrində ölkəyə giriş bağlanıb.02D-
-
- Analitika
- 20 Aprel 2020 12:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz