Los Ancelesdə səfərdə olan Azərbaycan Milli Məclisinin deputatı Yevda Abramov, Azərbaycan Dağ Yəhudiləri icmasının sədri Milix Yevdayev, Dini Qurumlarla İş üzrə Dövlət Komitəsinin sədr müavini Gündüz İsmayılov və Dağ Yəhudiləri sinaqoqunun ravini Avraam Yakubov fevralın 3-də Los Anceles Şəhər Şurasının üzvü Paul Koretz ilə görüşüblər. Bu barədə Azərbaycanın Los Ancelesdəki konsulluğu məlumat yayıb.
Görüşdə Azərbaycanın tolerantlıq ənənələri, bu sahədə hazırda oynadığı nümunəvi rol, ölkə rəhbərliyi tərəfindən bütün dini icmalara göstərilən qayğı, eləcə də Azərbaycanın qədim yəhudi icmasının tarixi və bu gün ölkəmizdə sülh və əmin-amanlıq şəraitində yaşaması əsas müzakirə mövzusu olub.
Qeyd edək ki, Azərbaycanın Los Ancelesdəki Baş Konsulluğunun təşəbbüsü və təşkilatçılığı ilə Kaliforniyada səfərdə olan nümayəndə heyəti fevralın 2-də Amerika- İsrail İctimai Əlaqələr Komitəsi və Amerika Yəhudiləri Komitəsinin Los Anceles bölməsinin İdarə Heyətinin üzvləri ilə, eləcə də UCLA universitetindəki Hillel yəhudi mərkəzinin professor və tələbələri ilə görüş keçiriblər. —06D--
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
Rəy yaz