Açiq mənbələrdən foto.
Bakı/14.12.21/Turan: Çərşənbə axşamı Ağır Cinayətlər Məhkəməsində terrorçuluqda ittiham olunan iki Ermənistan vətəndaşının işi üzrə hazırlıq iclası keçirilib.
Prosesə Elmin Rüstəm sədrlik edir. İşxan Sarkisyan və Vladimir Rafaelyan odlu silahdan istifadə ilə terrorçuluq törətməkdə ittiham olunurlar.
Bu şəxslərin nə vaxt və harada saxlanıldıqları və konkret olaraq hansı əməli törətdikləri açıqlanmır. Onların İkinci Qarabağ müharibəsi zamanı saxlanıldığı məlumdur.
İndiyədək Azərbaycanda 2020-ci il müharibəsi zamanı ələ keçirilmiş onlarla Ermənistan hərbiçisi mühakimə olunub. Onlar hamısı müxtəlif müddətli azadlıqdan məhrumetmə cəzalarına məhkum ediliblər. Sonradan məhbusların bir hissəsi minalanmış sahələrin xəritələri müqabilində Ermənistana təhvil verilib. -02D-
Siyasət
-
23 saylı Nəsimi-Səbail Seçki Dairəsinin 25 saylı məntəqəsində səsvermə bitdiyinə baxmayaraq 1 saatdan çoxdur seçki qutuları açılmadığı, səssayma aparılmadığı bildirilir.
-
Yanvarın 29-da Azərbaycanda bələdiyyə seçkiləri aşağı seçici fəallığı və ciddi mübahisələr fonunda keçirildi. Seçicilər saat 08:00-dan 19:00-a qədər səs verdilər. Mərkəzi Seçki Komissiyası (MSK) prosesin problemsiz keçdiyini bildirsə də, müstəqil müşahidəçilər və müxalifət nümayəndələri seçkilərin şəffaflığı və inklüzivliyi ilə bağlı narahatlıqlarını ifadə etdilər.
-
29 yanvar saat 17-yə olan rəsmi məlumata görə, Azərbaycanda bələdiyyə seçkilərində seçicilərin 28,77%-i səs verib. Bu barədə Mərkəzi Seçki Komissiyasının nümayəndəsi Fərid Orucov bildirib. Onun sözlərinə görə, bu, 1 715 291 nəfər deməkdir.
-
Moskva Ermənistan və Azərbaycan arasında sərhədin delimitasiyası və demarkasiyası məsələsində yaxşı irəliləyiş olduğunu qeyd edir, bu barədə çərşənbə günü RF-nin baş naziri Aleksey Overçuk jurnalistlərə bildirib.
Rəy yaz