Azərbaycandakı siyasi məhbusların siyahısı AŞ baş katibinə verilib

Mayın 20-də Bakıda səfərdə olan Avropa Şurasının baş katibi Törbyörn Yanqland   EL hərəkatı, NIDA- Turqut Qəmbər , REAL  hərəkatı (Natiq Cəfərli,) hüquq müdafiəçiləri Leyla Yunus, Arzu Abdullayeva, Səidə Qocamanlı, Novella Cəfəroğlu, Səadət Bənənyarlı,Emin Hüseynov ilə görüş keçirib.

Bu barədə Turan-a görüşdə iştirak edən El hərəkatının sədri  Eldar Namazov məlumat verib.  

Saat yarım davam edən görüşdə Azərbaycanda mövcud durum, demokratiya, insan haqlarının durumu ,siyasi məhbuslar  problemi, Azərbaycanın Avropa Şurası qarşısında götürdüyü öhdəliklərin  yerinə yetirmə vəziyyətləri müzakirə olunub.

Eyni zamanda  Azərbaycanın  Avropa Şurasının Nazirlər Komitəsinin sədrliyi dövründə fəaliyyət planının yerinə yetirilməsi də müzakirə mövzusu olub. Baş katibə təcili reaksiya tələb olunan siyasi məhbusların siyahısı təqdim olunub.

Avropa Şurasının nümayəndə heyəti Azərbaycanda demokratiya və insan hüquqlarının əsas  diqqət mərkəzində olduğunu vurğulayıblar.

Avropa Şurasının saytının məlumatına görə, mayın 20-də Avropa Şurasının baş katibi Törbyörn Janqland Bakıya gəlişinin iki  günü ərzində prezident  İlham Əliyev, digər hökumət nümayəndələri ilə insan hüquqlarının pozulması məsələlərini müzakirə edəcək. 

T.Yaqland Avropa Şurasının maliyyələşdirdiyi Siyasi Tədqiqatlar Məktəbinin direktoru İlqar Məmmədovun azad edilməsini xahiş edəcək.

Baş katib Azərbaycanla bağlı fəaliyyət planını elan edəcək. Fəaliyyət planı Avropa Şurasının irəliləyişlər olmasını gözlədiyi ifadə azadlığı və məhkəmələrin müstəqilliyi sahələrini əhatə edir.

“Çox ümid edirəm ki, Azərbaycan əməkdaşlıq etmək və Avropa standartlarına cavab vermək niyyətini nümayiş etdirmək üçün bu imkandan istifadə edəcək”, - Törbyörn Jagland bildirib. 

Mayın 23-də baş katib Avropa Şurası Parlament Assambleyası (AŞPA) Daimi Komitəsinin toplantısında da iştirak edəcək və növbəti dönəm baş katib vəzifəsinə namizədliyini irəli sürəcək. 16B-