Azərbaycanın Böyük Vətən Müharibəsində qələbəyə verdiyi töhfələr haqqında sənədlər sərgisi

Ural tarixçiləri və arxivçiləri Azərbaycan SSR-in Böyük Vətən Müharibəsində Qələbə qazanılmasına verdiyi töhfədən bəhs edən nadir sənədlər sərgisi hazırlayıblar. Söhbət, xüsusən, Azərbaycanda formalaşdırılmış və Qələbədən sonra Sverdlovsk vilayətində yerləşən 77-ci dağ-atıcı diviziyanın döyüş yolundan gedir. 

"Bu sərgi Qələbənin 80 illiyinə həsr edilmiş "Rusiya və Azərbaycan xalqlarının tarixi yaddaşı" layihəsinin tərkib hissəsidir. Bakıda Azərbaycan tərəfin tövsiyə edəcəyi meydançalardan birində sərgi təşkil etməyi planlaşdırırıq". Bu barədə dekabrın 24-də Azərbaycan səfiri Rəhman Mustafayevi qəbul edən RF-nin Sverdlovsk vilayətinin qubernatoru Yevgeni Kuyvaşev bildirib.

Bundan başqa, görüşdə ticari-iqtisadi əməkdaşlığın genişləndirilməsi məsələləri müzakirə olunub. Xüsusən, Kuyvaşev Sverdlovsk şirkətlərinin faydalı qazıntıların hasilatı və emalı, həmçinin texnoloji proseslərin idarə edilməsi üzrə qabaqcıl avtomatlaşdırılmış sistemlərin tətbiqi ilə bağlı innovativ həllərini təklif edib. Onlardan neft şirkətlərində istifadə oluna bilər.

Eyni zamanda, təhsil sahəsində əməkdaşlığın genişləndirilməsi təklif olunub, bu barədə Sverdlovsk vilayətinin İnformasiya Departamentinin məlumatında deyilir.