Azərbaycanın erməni işğalından azad edilmiş ərazilərində ilk dəfə seçkilər keçirilir

Fevralın 7-də Azərbaycanda növbədənkənar prezident seçkiləri günüdür. Bakı vaxtı ilə saat 10:00-a olan məlumata görə, seçkilərdə seçicilərin təxminən 20 faizi iştirak edib. Son 30 ildə ilk dəfədir ki,  Qarabağın erməni işğalından azad edilmiş şəhər və qəsəbələrində qanuni seçkilər keçirilir.

İlk dəfə burada prezident İlham Əliyev  öz ailəsilə  səs verib.

Azərbaycanın daxili işlər naziri Vilayət Eyvazov da Xankəndi şəhərində səs verib. Bu şəhərin inzibati binasında 122 saylı Xankəndi seçki dairəsinin 16 saylı seçki məntəqəsinin seçki qutuları yerləşdirilib. Xankəndidə 1 saylı məktəbdə 124 saylı Şuşa - Ağdam - Xocalı - Xankəndi ylı seçki dairəsinin 105-ci seçki məntəqəsi də yaradılıb.

Məntəqədə ümumilikdə 1222 seçici qeydə alınıb. Səsverməni 13 yerli müşahidəçi izləyir.

Laçında 121 saylı Laçın seçki dairəsinin beş məntəqəsi yaradılıb. Üç məntəqə Laçın şəhərində, ikisi Zabux və Qorçu kəndlərində yerləşir. Laçında ümumilikdə 6020 seçici qeydə alınıb, qeydə alınmış müşahidəçilərin sayı 65 nəfərdir.

Füzuli şəhərində 84 saylı Füzuli seçki dairəsinin üç yeni məntəqəsi yaradılıb. Məntəqələrdə ümumilikdə 3 619 seçici qeydə alınıb.

124 saylı Şuşa - Ağdam - Xocalı - Xocavənd seçki dairəsinin 105 və 106 saylı  seçki məntəqələrində seçici fəallığı müşahidə olunur. Bu gün 105 saylı seçki məntəqəsi 1220 seçici gözləyir.

İşğaldan azad edilmiş Xocalı şəhərində ilk dəfə seçkilər keçirilir. Seçicilərin ümumi sayı 1222 nəfərdir. Bu barədə 105 saylı seçki məntəqəsinin sədri Səbinə Məmmədova “Kavkazskiy uzel” nəşrinə bildirib.

125 saylı Zəngilan-Qubadlı seçki dairəsində yaradılan dörd məntəqədə səsvermə keçirilir. Onlardan üçü Zəngilan rayonu ərazisində, biri isə Qubadlı rayonu ərazisində yaradılıb. Zəngilan və Qubadlı rayonlarının işğaldan azad edilmiş ərazilərində ümumilikdə 2 919 seçici qeydə alınıb.

123 saylı Kəlbəcər seçki dairəsində iki məntəqə yaradılıb. Kəlbəcərdə fəaliyyət göstərən “Bakı Abadlıq” şirkətinin inzibati binasındakı 63 saylı seçki məntəqəsində 603 nəfər, Kəlbəcər Su Təchizatı və Kanalizasiya İdarəsinin inzibati binasındakı 64 saylı seçki məntəqəsində isə 875 nəfər səs verəcək. Kəlbəcər rayonunda ümumilikdə 1 478 seçici qeydə alınıb. Seçkiləri ümumilikdə 28 yerli müşahidəçi izləyəcək.

Azad edilmiş Ağdərə şəhərində 97 saylı Tərtər - Naftalan - Goranboy seçki dairəsinin 59 saylı seçki məntəqəsi yaradılıb. Məntəqədə 154 seçici qeydə alınıb.

Ağdərə rayonunun işğaldan azad edilmiş Suqovuşan qəsəbəsində də Səsvermə başlayıb. Suqovuşan orta məktəbində yaradılan 97 saylı Tərtər - Naftalan - Goranboy seçki dairəsinin 58 saylı seçki məntəqəsi saat 08:00-da açılıb. Məntəqədə 162 seçici qeydiyyata alınıb. İşğaldan azad edilmiş Talış kəndinə qayıdan sakinlər də buraya daxildir. Suqovuşanın ən yaşlı seçicisinin 87, ən kiçiyinin isə 18 yaşı var. Məntəqədəki seçkiləri 15 yerli müşahidəçi izləyir.

Zəngilan rayonunun Ağalı kəndində seçicilər növbədənkənar prezident seçkilərində iştirak edirlər. Səhərdən səs verənlərin fəallığı müşahidə olunur. AZƏRTAC bildirir ki, Ağalı kənd məktəbində Zəngilan rayonunun işğaldan azad edilmiş ərazisində 125 saylı Zəngilan-Qubadlı seçki dairəsinin 33-cü məntəqəsi fəaliyyət göstərir.

Dairə seçki komissiyasının sədri Əli Mönsümovun verdiyi məlumata görə, məntəqə üzrə 971 seçici qeydə alınıb, onlardan 603-ü Ağalı kəndinin sakinləridir. Bu məntəqədə 47 seçici ilk dəfə səs verəcək. Kənd üzrə səsvermədə ilk dəfə iştirak edən vətəndaşların sayı 31-dir. Ən yaşlı seçici 1933-cü ildə anadan olub. Bu məntəqədə səsvermədə 33 saylı seçki məntəqəsinə bitişik ərazilərdə çalışan vətəndaşlar da iştirak edirlər.

125 saylı Zəngilan-Qubadlı seçki dairəsinin digər məntəqələrində də fəallıq müşahidə olunur. Əlibəyli kəndi ərazisində yerləşən 61 saylı seçki məntəqəsində 615 seçici, Ağbənd qəsəbəsinin 62 saylı seçki məntəqəsində isə 561 seçici qeydə alınıb. Qubadlı rayonunun 125 saylı Zəngilan-Qubadlı dairə seçki komissiyasının Xanlıq kəndi ərazisindəki 63 saylı seçki məntəqəsində 1387 seçici səs verə biləcək. Onların əksəriyyəti Zəngilan rayonunda çalışan işçilərdir. Ümumilikdə, rayonun 66 seçki məntəqəsində 61 179 seçici və 863 müşahidəçi qeydə alınıb.

Mərkəzi Seçki Komissiyasının Bakı vaxtı ilə saat 10:00-a olan məlumatına görə, ölkə üzrə seçicilərin 19 faizdən çoxu seçkilərdə iştirak edib.