Bahar Muradova: Biz daim müxalifətlə əlaqədəyik

Parlamentə “Diffamasiya haqqında” heç bir qanun layihəsi daxil olmayıb, lakin deputatlar xarici ölkələrdə bu qanunun müxtəlif variantlarını araşdırırlar. Bu barədə çərşənbə axşamı keçirilən mətbuat xidmətində Milli Məclisin vitse-spikeri Bahar Muradova bildirib.

    Onun sözlərinə görə, bir çox ölkələrdə belə bir qanun qəbul edilməyib və onun qəbulu beynəlxalq qurumların tələbi deyil, tövsiyəsidir. “Biz beynəlxalq təşkilatlarla əməkdaşlıqda maraqlıyıq və hər zaman onların tövsiyələrini dinləyirik. Seçki Məcəlləmizə bir sıra dəyişikliklər edilib, yəni o, daim təkmilləşdirilir. Gələcəkdə təkmilləşdirməyə ehtiyac olarsa, dəyişikliklər ediləcək”, deyə o bildirib.

    O, həmçinin xatırladıb ki, bu yaxınlarda Monakoda ATƏT PA-nın yay sessiyasının (3-10 iyul) işində iştirak edib. Bu zaman ATƏT PA-nın növbəti 2013-cü il yay sessiyasının Bakıda keçirilməsi qərara alınıb. 

    MM-in Parlamentlərarası və beynəlxalq əlaqələr komitəsinin sədri Səməd Seyidov AŞPA Monitorinq Komitəsinin Azərbaycan üzrə məruzəçiləri Qrex və Arqamuntn gələcək fəaliyyəti ilə bağlı suala cavabda bu məsələniKomitənin həll edəcəyini bildirib.

    Yay sessiyasında Azərbaycan üzrə təqdim edilmiş hesabat AŞPA-nın növbəti sessiyalarından birində müzakirə olunacaq.

    AŞPA-nın siyasi məhbuslar üzrə məruzəçisi Kristofer Ştrasserə gəlincə, onun siyasi məhbusları siyahısı “səhvdir”.

    “Onun siyahısında artıq azad edilmiş şəxslər, terror aktları törətmiş şəxslər, ümumiyyətlə həbsxanada olmayan şəxslərin adları var”, deyə Səməd Seyidov bildirib.

    MM katibliyinin rəhbəri Səfa Mirzəyev “Siyasi partiyalar haqqında” qanunun qüvvəyə minməsi haqqında suala cavabda bildirib ki, prezident qanunu imzalayıb. Lakin onun qüvvəyə minməsi gecikdiriləcək, belə ki, dövlət büdcəsində bu qanunla bağlı xərclər maddəsi nəzərdə tutulmayıb.

    Vitse-spiker Bahar Muradova hakimiyyət və müxalifət arasında dialoq haqqında suala cavab verib. Onun sözlərinə görə, müxalifət və hakimiyyət daim əlaqədədir. Ölkə prezidentinin son çıxışında müxalifətin ünvanına tənqid səslənməsinə gəlincə, Muradovanın fikrincə, burada qəribə heç nə yoxdur.

    “Müxalifət daim hakimiyyəti tənqid edir, prezident müxalifəti tənqid edə bilməz? Burada qeyri-adi heç nə görmürəm”, deyə Muradova bildirib.

    Mətbuat konfransı Milli Məclisin yaz və növbədənkənar sessiyalarının yekunlarına həsr olunmuşdu. Bu sessiyalar zamanı 13 iclas keçirilib, 128 qanun və qərar qəbul edilib. 2012-ci ilin birinci yarısında 2201 vətəndaş qəbul edilib, 2312 vətəndaşdan təklif, şikayət və bəyanat daxil olub. -04С-