Bakı Avropa Komissiyasının vitse-prezidentinin iradlarını təkzib edir

 Çərşənbə günü Azərbaycan XİN rəhbərinin müavini Mahmud Məmmədquliyev Aİ-nin Azərbaycandakı müvəqqəti işlər vəkili Toralf Piltsi qəbul edib.

XİN mətbuat xidmətinin məlumatına görə, görüş zamanı İnternet İdarəçiliyi Forumu çərşivəsində ötən həftə Bakıya gələn Avropa Komissiyasının vitse-prezidenti Neeli Kroesin son bəyanatları ilə bağlı məsələlərə toxunulub.

M. Məmmədquliyev qeyd edib ki, Azərbaycanda insan hüquq və azadlıqlarının vəziyyəti ilə bağlı Kroesin forumdakı bəyanatı  və Tvitterdəki səhifəsində məqaləsi reallığı əks etdirmir.

Bununla əlaqədar Azərbaycan hökumətinin narazılığı ifadə olunub və qeyd edilib ki, bu cür əsassız fikirlər Azərbaycanla Aİ arasında əməkdaşlığın ruhuna uyğun deyil və ikitərəfli əlaqələrə xələl gətirə bilər.

M.Məmmədquliyev həmçinin Kroesin köməkçisinin kompüterinə icazəsiz müdaxilənin olması barədə fikirlərin əsassız olduğunu qeyd edib. 

Adətən belə olan hallarda dərhal yerli strukturlara müraciət olunur. M.Məmmədquliyev Kroesin bunu etməməsindən təəccüblənib.

Kroesin siyasi məhbuslarla baş tutmayan görüşünə gəlincə, nazir müavininin sözlərinə görə, bu, Azərbaycanın müvafiq qurumlarının razılığı ilə olmalıdır. –06D-