Bakı meriyası müxalifətin mitinqinə icazə verməkdən imtina edib
Bakı Şəhər İcra Hakimiyyəti Demokratik Qüvvələrin Milli Şurasının aprelin 21-də mitinq keçirmək barədə müraciətinə imtina cavabı verib.
Azərbaycan Xalq Cəbhəsi Partiyasından bildiriblər ki, müxalifətin təklif etdiyi yerlərdə kütləvi aksiyanın təşkilinin vətəndaşların sərbəst hərəkət hüququnu poza biləcəyilə əlaqədar şəhər administrasiyası mitinqin keçirilməsini "məqsədəuyğun hesab etməyib".
Mitinqin Nərimanov metro stansiyasının qarşısında, “Məhsul” stadionunda və 28 may metro stansiyasının qarşısındakı meydanda keçirilməsi planlaşdırılıb.
Partiyada hesab edirlər ki, şəhər hakimiyyətinin qərarı qanunsuzdur və konstitusiyaya ziddir.
"Hazırda müzakirələri aparırıq və növbəti addımlarla bağlı qərar axşam elan ediləcək", - partiyada deyiblər.
Mitinq siyasi məhbusların azad edilməsi, seçki islahatlarının aparılması, quru sərhədlərinin açılması, Rusiya sülhməramlılarının çıxarılması, pensiya və maaşların artırılması, uşaq müavinətlərinin müəyyən edilməsi tələblərilə keçiriləcəkdi.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz