Oktyabrın 4-nə keçən gecə Türkiyənin Qars əyalətinin Sarıqamış kəndi yaxınlığında Bakı-Tbilisi-Erzurum qaz kəmərində partlayış baş verib. Nəticədə Azərbaycandan qaz ixracı tamamilə dayandırılıb.
Bu, cari ildə Bakı-Tbilisi-Ərzurum qaz kəmərində baş vermiş ikinci partlayışdır. Hər iki partlayış eyni yerdə baş verib. Türkiyənin HaberMonitor portalının məlumatına görə, bu dəfə partlayışın səsi hadisənin 20 km.-də eşidilib.
Ötən dəfə qaz kəmərinin və qaz ixracının bərpası üçün 10 sutka lazım gəlmişdi. Türkiyə hakimiyyəti hər iki hadisəni terror aktı adlandırıb.
Bugünkü terror aktı qazın boru kəmərinə daxil olduğu “Şahdəniz” yatağında qaz hasilatının dayandırılmasına səbəb olmayıb.
BP-Azerbaijan şirkətinin mətbuat xidmətindən Turan-a
bildirilib ki, “Şahdəniz” yatağından hasil edilən qazın əsas həcmi müvəqqəti olaraq Azərbaycanda toplanır. Müəyyən həcm daxili bazara verilir, qalan hissə ARDNŞ-nin yeraltı qaz anbarlarına göndərilir. Bu, sutkada 6 mln. kubmetrə yaxındır.
BP-Azerbaijan-dan qeyd ediblər ki, hələlik BOTAS şirkətindən (BTC boru kəmərinin Türkiyə hissəsinin operatoru) qaz kəmərinin bərpasının vaxtı barədə məlumat alınmayıb.
Qeyd edək ki, “Şahdəniz” sutkada orta hesabla 22 mln. kubmertə yaxın qaz hasil edir. Bunun 10 mln.-u Türkiyəyə göndərilir.-12B—
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz