Bakıda MDB Sərhəd Qoşunları Komandanları Şurasının iclası keçirilib

Sentyabrın 9-da Bakıda MDB Sərhəd Qoşunları Komandanları Şurasının iclası keçirilib.

SQKŞ iclasının iştirakçıları MDB ölkələrinin sərhəd idarələrinin xarici sərhədlərdə təhlükəsizliyin təmin edilməsi sahəsində səylərinin koordinasiyası üzrə fəaliyyətini və qəbul edilən qərarların səmərəliliyinin artırlması üzrə tədbirləri təhlil ediblər.

Dövlət başçlarının Şuraya Birlik ölkələrinin sərhəd və digər idarələrinin MDB ölkələrinin xarici sərhədlərində böhran vəziyyətinin tənzimlənməsinə yönəlmiş qruplarının formalaşdırılması və Tacikistana Əfqanıstanla sərhəd hissəsində təhlükəsizliyin möhkəmləndirilməsinə təxirəsalınmaz kömək göstərilməsi ilə bağlı təklifləri, habelə bir sıra kadr məsələləri müzakirə olunub.

Bundan başqa, 2014-cü ildə sərhəd idarələrinin MDB ölkələrinin xarici sərhədlərində, o cümlədən Mərkəzi Asiya regionunda və Xəzərdə sərhəd təhlükəsizliyinin təmin edilməsi üzrə qarşılıqlı fəaliyyətinin prioritet istiqamətlərinə baxılıb.

SQKŞ üzvləri cari ilin ilk yarısında fəaliyyətlərinin yekununu çıxarıblar, Şura çərçivəsində həyata keçirilən birgə elmi-araşdırma işləri üzrə Metodik Vəsaitlərin, müasir şəraitdə MDB xarici sərhədlərində müdafiə forma və üsullarının tətbiqi üzrə Metodik Tövsiyələrin, dövlət sərhədlərinin müdafiəsi sahəsində yeni model qanunları ilə bağlı şərhlərin hazırlanmasının gedişatını müzakirə ediblər. Bu barədə MDB İcra Komitəsinin mətbuat xidmətinin məlumatında deyilir.

Maraqlıdır ki, Azərbaycanın Sərhəd Xidməti – tədbirin ev sahibi bu məsələ ilə bağlı heç bir məlumat yaymayıb. -16D-