Yerevan/ 09.07.15/Turan- Armİnfo: İyulun 8-də Qarabağ separatçılarının lideri Bako Saakyan Böyük Britaniya parlamentində çıxış edib. Bu barədə Ermənistan KİV-i məlumat yayıb.
Saakyanın kimin qarşısında çıxış etdiyi açıqlanmır. Separatçıların mətbuat xidməti bildirib ki, çıxış zamanı o, Qarabağdakı proseslərə, Azərbaycan-Ermənistan münaqişəsinin nizamlanmasına toxunub, iştirakçıların suallarını cavablandırıb.
Saakyan deyib ki, Qarabağda Böyük Britaniyaya xüsusi münasibət var, onu nüfuzlu dövlət, demokratiya və Avropa sivilizasiyasının beşiyi hesab edirlər.
Onun sözlərinə görə, Qarabağ parlament əlaqələrinin genişləndirilməsində və Böyük Britaniya ilə elm-təhsil, humanitar sahələrdə münasibətlərin inkişafında maraqlıdır.
Saakyan qeyd edib ki, belə nikbinlik ilk növbədə Böyük Britaniya parlamentində səmimiliyin, Qarabağın və erməni xalqının dostlarının olmasından irəli gəlir.
Görüşdə Ermənistanın Londondakı səfiri Armen Sarkisyan da iştirak edib.-02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz