Криман Салим
Bakı/26.07.17/Turan: "Bank Standard"ın keçmiş rəhbəri Səlim Kriman beynəlxalq axtarışa verilib. Bunu Baş Prokurorluqdan bildiriblər.
Baş Prokurorluğun məlumatına görə, S.Kriman istintaqdan qaçıb gizləndiyi üçün onun barəsində axtarış elan edilib.
Xatırladaq ki, S.Kriman "Bank Standart"ın keçmiş rəhbəri olub. Bu il iyulun 25-də Baş Prokurorluq "Çudo Peçko" şirkətinin rəhbəri Çingiz Cəlilovun və "Helvest" MMC-nin rəhbəri Emin Quliyevin bankın keçmiş rəhbəri S.Krimanla əlbir olaraq maliyyə vəsaitlərini külli miqdarda mənimsəməkdə, təyinatını dəyişdirməkdə ittiham edən açıqlama yayıb.
Bu faktlarla bağlı Ç.Cəlilov və E.Quliyev həbs ediliblər. Onların barəsində həbs qətimkan tədbiri seçilib. S.Kriman isə ölkədə olmadığı üçün onun barəsində beynəlxalq axtarış elan olunub.-05B-
Siyasət
-
Noyabrın 29-da Bakı Ağır Cinayətlər Məhkəməsində Elnur Nuriyevin sədrliyi ilə Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublunun işi üzrə növbəti iclas keçirilib.
-
Avropa Şurası Parlament Assambleyası (AŞPA) bu ölkədə dinc etirazların yatırılmasını pisləyib və ölkəni Avropa dəyərlərinə sadiq qalmağa çağırıb.
-
Azərbaycan DİN politoloq Azər Qasımlının həyat yoldaşı Samirə Qasımlının ölkədən çıxışına qoyulan qadağanı ləğv edib. Lakin onun xaricə səfəri baş tutmayıb, çünki o, aviareysə çata bilməyib.
-
Son iki gündə Azərbaycan Xalq Cəbhəsi Partiyasının (AXCP) 3 fəalı saxlanılıb. Onlardan ikisi barəsində inzibatı qaydada həbs seçilib. Bir fəal isə hələ polis bölməsində saxlanılır.
Rəy yaz