![U.S. President Joe Biden](https://turan.az/resized/media/2023/main/101900068265-750-500-resize.webp)
U.S. President Joe Biden
Bayden İsraildəki vəziyyət və Ukraynadakı müharibə ilə nitqlə çıxış edəcək
Vaşinqton/19.10.23/Turan: ABŞ prezidenti Co Bayden Oval Kabinetdən "HƏMAS-ın İsrailə qarşı terror hücumuna cavaba və Rusiyanın Ukraynaya qarşı davam edən amansız müharibəsinə" həsr olunmuş müraciətlə çıxış edəcək, bu barədə Turan-ın Vaşinqtondakı müxbiri bildirib.
Bayden İsrail səfərindən yeni qayıdıb, administrasiyanın bu həftə Konqresə həm İsrailə, həm də Ukraynaya əlavə maliyyə yardımı ayrılması haqqında sorğu göndərəcəyi gözlənilir.
Bayden Tel-Əvivdəki çıxışında Konqresdən "misli görünməmiş dəstək paketi" istəyəcəyini təsdiq edib.
Səfərdən qayıdarkən təyyarədə jurnalistlər qarşısında çıxış edən Bayden deyib ki, İsrail "ciddi qurbana çevrilib, lakin həqiqət ondadır ki, onların gedəcək yeri olmayan insanların çəkdiyi əziyyəti yüngülləşdirmək imkanı var... onlar bunu etməlidir".
İordaniyada dayanacağı ləğv etmək məcburiyyətində qalmasına görə məyus olub-olmadığı haqqında suala cavabda Bayden belə deyib: "Xeyr... Mən nə isə etməyə gəlmişdim, bunu etdim".
Daha sonra o, əlavə edib: "Mənim İordaniya kralı ilə çox yaxşı münasibətlərim var. Fələstin muxtariyyətinin rəhbərliyi ilə də telefon söhbətim olub".
Milli Təhlükəsizlik Şurasının üzvü Con Kirbinin sözlərinə görə, Baydenin İordaniyaya səfər etməməsinin əsas səbəbi islam dünyasında çərşənbə axşamı Qəzzədə xəstəxananın partladılmasından sonra həlak olanlar üçün matəm elan edilməsi ilə bağlıdır ki, bu da tamamilə aydındır.
"Ammana getməmək qərarı prezident kralla danışarkən qarşılıqlı olaraq qəbul edilib... Onlar hər ikisi razılaşıblar ki, prezident Abbasın matəmlə əlaqədar vətəninə qayıtdığını nəzərə alaraq, indi görüşməyin vaxtı deyil".
Ağ Evin məlumatına görə, Bayden Tel-Əvivi tərk etdikdən sonra Misir prezidenti Əbdüll Fəttah Əs-Sisi ilə danışıb. "İki ölkə lideri Qəzzə bölgəsinə humanitar yardımın çatdırılması səylərinin əlaqələndirilməsini və bu yardımın mülki əhaliyə paylanması mexanizmlərini müzakirə ediblər. İki ölkə lideri bu məsələdə sıx əməkdaşlıq etmək barədə razılıq əldə ediblər", deyə Ağ Evin məlumatında bildirilir.
Çərşənbə günü Ağ Ev həmçinin açıq şəkildə bildirib ki, ehtiyacı olan mülki şəxslərə yemək, su və dərman çatdıraraq, humanitar böhranların həlli üçün "əlindən gələni" edir.
"Həmişə dediyimiz kimi, İsrailin təhlükəsizliyinə dəstəyimiz sarsılmazdır və İsrail özünü HƏMAS terrorçularından müdafiə etmək hüququna malikdir", deyə vitse-prezident Kamala Harris Çəhrayı Bağdakı qəbulda bildirib.
"Gəlin izah edək: terrorçuluğa heç vaxt bəraət qazandırılmır. Dünən dediyim kimi, israillilər və fələstinlilər bərabər təhlükəsizlik və rifah imkanlarına malik olmalıdırlar", deyə o əlavə edib.
ABŞ Fələstin xalqının ləyaqət, təhlükəsizlik və öz müqəddəratını təyin etmək hüququnu dəstəkləyir. "HƏMAS bu səyləri təmsil etmir", deyə Harris qeyd edib. 0
-
- Maliyyə
- 19 Oktyabr 2023 10:50
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz