Bayramov və Berbok ikitərəfli münasibətləri və regionda vəziyyəti müzakirə ediblər
Bayramov və Berbok ikitərəfli münasibətləri və regionda vəziyyəti müzakirə ediblər
Sentyabrın 27-də Azərbaycanın xarici işlər naziri Ceyhun Bayramov Birləşmiş Millətlər Təşkilatı Baş Assambleyasının 79-cu sessiyasında iştirakı çərçivəsində almaniyalı həmkarı Annalena Berbok ilə görüşüb.
Azərbaycan Xarici İşlər Nazirliyinin mətbuat xidməti bildirib ki, nazirlər Azərbaycan və Almaniya arasında ikitərəfli münasibətləri, eləcə də münaqişədən sonrakı dövrdə regionda mövcud vəziyyəti müzakirə ediblər.
Almaniya tərəfinə Bakıda keçiriləcək Birləşmiş Millətlər Təşkilatı İqlim Dəyişikliyi Çərçivə Konvensiyasının Tərəflər Konfransının 29-cu sessiyasının (COP29) hazırlanması çərçivəsində görülən işlər barədə ətraflı məlumat verilib.
Postmünaqişə dövründə regionda cari vəziyyət, işğaldan azad edilmiş ərazilərdə bərpa və yenidənqurma işləri, eləcə də Azərbaycan və Ermənistan arasında münasibətlərin normallaşdırılması prosesindən danışan Bayramov diqqəti ona yönəldib ki, "Ermənistanın Konstitusiyasında və qanunvericilik sənədlərində Azərbaycana qarşı davam edən ərazi iddiaları, eləcə də bu ölkənin sürətli silahlanması sülh gündəliyinə təhlükə yaradır".
Görüş zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb.
-
- Siyasət
- 28 Sentyabr 2024 10:35
Siyasət
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
-
VII çağırış Milli Məclisin payız sessiyasının ilk iclası sentyabrın 30-da keçiriləcək. Parlamentin mətbuat və ictimaiyyətlə əlaqələr şöbəsindən bildiriblər ki, iclasda Milli Məclisin yeni üzvlərinə Mərkəzi Seçki Komissiyası tərəfindən deputat vəsiqələri təqdim olunacaq. Bundan əlavə, daimi parlament komitələrinin tərkibi formalaşdırılacaq.
Rəy yaz