![Bayramov Yerevanın cavabında nikbinlik hiss edib](https://turan.az/resized/news/2023/WnG1o0eRcVwrWOlj5OXq0VRg4ASk6c1rHGuReC3O-750-500-resize.webp)
Bayramov Yerevanın cavabında nikbinlik hiss edib
Bayramov Yerevanın cavabında nikbinlik hiss edib
Bakı/14.12.23/Turan: Bakı və Yerevanın birgə bəyanatı etimad yaranması istiqamətində ciddi addım olub. Bu barədə Azərbaycan XİN başçısı Ceyhun Bayramov Türkiyənin xarici işlər naziri Hakan Fidanla birgə mətbuat konfransında bildirib.
"Noyabrın sonlarında Ermənistan sülh müqaviləsi ilə bağlı təkliflər paketini təqdim edib, bu məsələdə müəyyən irəliləyiş müşahidə olunur. Hazırda Bakı bu təklifləri tədqiq edir. İstənilən halda, biz gələcəyə nikbinliklə baxırıq", deyə Bayramov bildirib.
Ermənistan XİN başçısının sərhəddən qoşunların qarşılıqlı olaraq çəkilməsi məsələsinin müzakirə olunması haqqında bəyanatını şərh edən Bayramov deyib ki, hələlik belə bir razılaşma yoxdur. Bu məsələyə sərhədlərin delimitasiyası kontekstində baxıla bilər, deyə o bildirib.
Yerevanda Ermənistan və Azərbaycan XİN başçılarının növbəti görüşünün yanvarda Vaşinqtonda keçiriləcəyi haqqında səslənən məlumatlara gəlincə, XİN belə bir razılaşmanın artıq əldə olunduğunu təsdiq etməyib.
Öz növbəsində, Fidan Hakan Bakı və Yerevan arasında münasibətlərin normallaşmsının Ankara-Yerevan münasibətlərinin normallaşmasına və iki ölkə arasında sərhədlərin açılmasına gətirib çıxaracağını deyib. 0
-
- İqtisadiyyat
- 14 Dekabr 2023 16:01
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz