Bəhruz Səmədov
Bəhruz Səmədov prokurorluğa qarşı şikayətini müvəqqəti olaraq geri çəkib
Oktyabrın 18-də Bakının Səbail Rayon Məhkəməsində gənc tədqiqatçı Bəhruz Səmədovun saxlanıldıqdan sonra ona qarşı fiziki təzyiqlə bağlı araşdırmanın nəticəsinin olmamasına dair şikayətinə baxılıb.
Avqustun 23-də Səmədov barəsində qətimkan tədbiri seçilərkən o, saxlanıldıqdan sonra müəyyən təzyiqə məruz qalmasından şikayət edib, bu barədə jurnalistlərə vəkil Zibeydə Sadıqova bildirib. Həmin vaxt Səbail Rayon Məhkəməsi məsələnin araşdırılması üçün prokurorluğa məlumat verilməsi haqqında qərar qəbul edib.
"Lakin iki aya yaxın vaxt keçib və heç bir araşdırma aparılmayıb, biz prokurorluğun hərəkətsizliyindən məhkəməyə şikayət verdik", deyə vəkil qeyd edib.
Lakin oktyabrın 18-də məhkəmə prosesində Səmədov və vəkil şikayəti müvəqqəti olaraq geri çəkmək qərarına gəliblər, belə ki, hələ prokurorluğun yekun qərarı yoxdur.
"Səmədova qarşı təzyiqlə bağlı şikayət bundan sonra da araşdırılmasa, biz yenidən məhkəməyə müraciət edəcəyik", deyə Səmədova qeyd edib.
Səmədov məhkəmə binasına gətirilərkən üzünü jurnalistlərə və fəallara tərəf tutaraq, belə deyib: "COP29-da səsimə səs verin".
* Avqustun 21-də Səmədovun mənzilində axtarış zamanı onun kompüterləri, telefonları, diplomları və kitabları götürülüb, bu barədə onun nənəsi məlumat vermişdi.
Səmədov avqustun 21-də saxlanılıb, iki gün sonra isə məhkəmə onu dövlətə xəyanət ittihamı ilə 4 ay müddətinə həbs edib.
Aİ və bir sıra beynəlxalq QHT-lər pasifist baxışları ilə məşhur olan Səmədovun təqibini pisləyib. O, həmçinin Qərb KİV-lərində və analitik nəşrlərdə Azərbaycan hakimiyyətinin ünvanına tənqidi məqalələr və şərhlər dərc etməsi ilə tanınır. Səmədov OC Media nəşrinin və https://bakuresearchinstitute.org/ müəllifidir.
Hüquq müdafiəçiləri Səmədovu siyasi məhbus kimi tanıyıblar.
Siyasət
-
Qərb Cənubi Qafqazda öz maraqlarını güdür, proseslərə müdaxilə etməyə çalışır, bu da region üçün təhdid təşkil edir. Bu barədə Rusiyanın XİN başçısı Sergey Lavrov oktyabrın 18-də İstanbulda 3+3 platformasının iclasının yekunlarına həsr olunmuş mətbuat konfransında bildirib.
-
Oktyabrın 18-də Milli Məclis Cinayət Məcəlləsinə yaşıllıqları zədələməyə görə məsuliyyət tədbirlərini ağırlaşdıran düzəlişləri ilk oxunuşda qəbul edib.
-
Cümə günü İstanbulda Azərbaycanın xarici işlər naziri Ceyhun Bayramov və Ermənistan xaeici işləziri Ararat Mirzoyan arasında görüş keçirilib. Türkiyə mətbuatı xəbər verir ki, görüş bir saat davam edib. Görüşdən sonra heç bir açıqlama verilməyib.
-
Rusiya prezidenti Vladimir Putin BMT-nin noyabrda Bakıda keçiriləcək COP29 iqlim konfransında iştirak etmək üçün Bakıya gəlməyəcək. Bu barədə BBC-yə Azərbaycan hökumətindəki mənbə məlumat verib.
Rəy yaz