Martın 14-16-da Belçika Parlamentinin nümayəndə heyəti Dağlıq Qarabağa səfər edib, xəbəri Ermənistan KİV-ləri yayıb.
Martın 15-də “Qarabağ Parlamentinin spikeri” Aşot Qulyan nümayəndə heyətini qəbul edib. Flandriya nümayəndə heyətinin tərkibinə Belçika Senatının sədr müavini Karl Fonlauven, Flandriya Parlamentinin üzvləri Karim fon Overmeyer, Vard Kennes, Mark Hendriks, professor Pol Mirts daxil idi.
Aşot Qulyan “milli kimliyin qorunub saxlanmasının” tərəfdarı olan Flandriya Parlamentinin mövqeyini alqışlayıb.
Karim Overmeyer öz növbəsində “demokratik Arsaxa” qarşı rəğbətini dilə gətirərək, onu “təkcə Ermənistan üçün deyil, həm də Avropa üçün qala” adlandırıb.
“Arsaxı xristian dünyasının bir hissəsi hesab edirəm”, deyə digər Flandriya deputatı Vard Kennes bildirib.
Öz növbəsində, senator Fonlauven flamandların milli kimlik uğrunda mübarizəsini Dağlıq Qarabağdakı vəziyyətlə müqayisə edib.
Daha sonra nümayəndə heyəti Qarabağ separatçılarının lideri Bako Saakyan və arxiyepiskop Pargev Martirosyan tərəfindən qəbul edilib.
Azərbaycan XİN hələlik bu səfərə və Belçika deputatlarının ifadələrinə reaksiya verməyib. Xatırladaq ki, bu cür səfərlər Azərbaycanın suverenliyinin pozulması hesab olunur və Qarabağa və işğal edilmiş digər ərazilərə Bakının razılığı olmadan səfər edən şəxslər qara siyahıya salınır, onların Azərbaycana gəlişi qadağan olunur. -02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz