Bəxtiyar Hacıyev Rail Abbasova görə Qərbi Azərbaycan İcmasına müraciət edib

Həbsdə olan ictimai fəal Bəxtiyar Hacıyev Rail Abbasova görə Qərbi Azərbaycan İcmasına mətbuat vasitəsilə müraciət edib.

Turana daxil olan müraciətdə B.Hacıyev dələduzluqda ittiham olunan Rail Abbasovun həbsinin əsl səbəbi onunla dostluqda sədaqətli olduğu vurğulanır. Bəxtiyar Hacıyev qeyd edib ki, R.Abbasov həbsdən bir müddət əvvəl onun məsələsi ilə bağlı Qərbi Azərbaycan İcmasına getmişdi, amma yardım əvəzinə özü həbs olundu.

Eyni zamanda fəal vurğulayır ki, Ermənistan Qərbi azərbaycanlıların qaydış hüququnu pozur: "Amma Azərbaycanda da Rüfət Səfərov, Rail Abbasv və mən daxil bir çoxumuzun azadlıq və ədalətli məhkəmə hüququ pozulur. Biz, qərbi azərbaycanlılarıyıq, qərbi avropalılar deyilik ki, Qərblə gərginlik olanda bunun qurbanı olaq".

B.Hacıyev icmaya müraciət edərək Rail Abbasovun işində öz nüfuzundan istifadə edərək ona kömək etsinlər: "İcma bunu edə bilməsə, heç olmasa qərbi azərbaycanlılar olan iş adamlarına R.Abbasovun işində keçən "zərərin" ödənilməsi üçün yardım etməyə müraciət etsin". Bəxtiyar Hacıyev həmçinin Ombudsmana müraciət edərək Rail Abbasovun məhkəmə prosesinə iştirak etməyə çağırıb.