Birləşmiş Millətlər Təşkilatının qiymətləndirmə missiyasının Ermənistan və Azərbaycana səfəri barədə

Bakı/10.10.23/Turan: Oktyabrın 5-də Birləşmiş Millətlər Təşkilatının humanitar məsələlərin koordinasiyası üzrə missiyası Qarabağ regionunda adamların, eləcə də Ermənistandakı qaçqınların zəruri ehtiyaclarının müəyyən edilməsi üçün Azərbaycan və Ermənistana birhəftəlik səfəri başa çatdırıb.

Birləşmiş Millətlər Təşkilatının məlumatında deyilir ki, missiyaya təşkilatın koordinasiya üzrə direktor Rameş Racasinqham rəhbərlik edib. Onu Birləşmiş Millətlər Təşkilatının daimi koordinatoru Vladanka Andreyeva və Birləşmiş Millətlər Təşkilatının Qarabağdakı agentliklərinin nümayəndələri müşayiət ediblər.

Oktyabrın 1-dən missiya şəhər ərazilərində olub, orada az sayda sakin aşkar edib. Onların əksəriyyəti regiondan çıxmaq üçün avtobus gözləyirmiş.

Mülki infrastruktur və məktəblər, xəstəxana və yaşayış evləri kimi yerləe toxunulmaz qalıb. Bu səfər zamanı missiya kəndlərə baş çəkməyib, bu, yaxın günlərdə və həftələrdə olacaq.

Komanda Laçın dəhlizi vasitəsilə Ermənistanla sərhədə gedib. Birləşmiş Millətlər Təşkilatının komandası Ermənistanda hökumət rəsmiləri və vətəndaş cəmiyyəti, eləcə də Qarabağ qaçqınları ilə görüşüb.

Birləşmiş Millətlər Təşkilatının Qaçqınlar Üzrə Ali Komissarlığı təşkilatın agentlikləri və tərəfdaş qeyri-hökumət təşkilatları ilə birlikdə müraciət edərək 231 000 nəfərə yardım göstərilməsi üçün 97 milyon ABŞ dollarının ayrılmasına çağırıb. Bunlar qaçqınların özləri və Ermənistanda onları dəstəkləyən yerli icmalardır, məlumatda deyilir. 0