BMT Baş Katibi Azərbaycan və Ermənistan arasında sərhədin bir hissəsinin delimitasiyası haqqında əldə olunmuş razılaşmanı alqışlayır

BMT-nin Baş Katibi Antonio Quterreş Azərbaycan və Ermənistan arasında sərhəddə delimitasiya haqqında razılaşma əldə olunmasını alqışlayıb.

Baş Katib Ermənistan və Azərbaycan arasında münasibətlərin normallaşdırılması prosesini diqqətlə izləyirdi. O, Ermənistan və Azərbaycan arasında dövlət sərhədinin delimitasiyası üzrə müvafiq dövlət komissiyaları arasında aprelin 19-da əldə olunmuş razılaşmanı alqışlayır", deyə Baş Katibin mətbuat katibi Stefan Ccariçin bəyanatında bildirilir.

BMT Baş Katibi tərəfləri sərhədin qalah hissələrinin delimitasiyasını və demarkasiyasını davam etdirməyə və münasibətlərin tam normallaşmasına nail olmaq üçün bütün həll edilməmiş ikitərəfli məsələləri həll etməyə çağırıb.

https://www.un.org/sg/en/content/sg/statement/2024-04-19/statement-attributable-the-spokesperson-for-the-secretary-general-%E2%80%93-armenia-and-azerbaijan

Aprelin 19-da Azərbaycan və Ermənistan hər bir tərəfdən 4 kənd arasındakı hissələrdə sərhəd xəttinin razılaşdırıldığını bildirib. Razılaşma Qazax rayonunun 4 kəndinin - Baqanis Ayrım, Aşağı Əskipara, Xeyrimli və Qızılağaclı kəndlərinin Azərbaycana qaytarılmasını nəzərdə tutur.

Tərəflər həmçinin dövlətlərarası sərhədin qalan hissəsinin keçmiş Azərbaycan və Ermənistan sovet respublikalarının 1991-ci ildə SSRİ dağıldığı anda mövcud olan inzibati sərhədləri əsasında delimitasiyasını həyata keçirmək barədə prinsipial razılıq əldə ediblər.