Böyük Britaniya səfiri: �Britaniya Premyer liqasının gücündən danışmaq lazım idi�

Bakı/27.05.19/Turan: Azərbaycan, əsasən Bakı tez-tez təkcə "Formula-1" kimi böyük idman tədbirləri yox, həm də Cüdo Çempionatı və bir çox başqa tədbirlər keçirir. Bakıda dünya standartlarına uyğun stadion var. Bu barədə Böyük Britaniyanın Azərbaycandakı səfiri Kerol Krofts bazar ertəsi mətbuat konfransında Avropa Liqasının finalının Bakıda keçirilməsi ilə bağlı Britaniya KİV, eləcə də "Arsenal" FK tərəfindən səsləndirilən narazılığa Turan-ın müxbirinin xahişilə münasibət bildirərkən deyib.

"Böyük Britaniya vətəndaşları tez-tez Bakıya müxtəlif idman tədbirlərinə gəlirlər. Azərbaycanın idman tədbirlərini keçirmək üçün geniş imkanları var. Eyni zamanda Azərbaycanda orta hesabla 4000-5000 Böyük Britaniya vətəndaşı yaşayır və işləyir", - səfir bildirib.

Jurnalistlərin "İdmanı siyasətlə qarışdıran Britaniya KİV-in davranışı nə dərəcədə düzgün idi?" sualının cavabında səfir "məsələyə idman aspektindən istinad etmək lazım idi" fikri ilə razı olduğunu deyib.

"Daha çox futboldan danışmaq lazım idi, onu demək lazım idi ki, finalda İngiltərənin iki klubunun qarşılaşması İngiltərə Premyer liqasının gücündən xəbər verir", - səfir vurğulayıb.

Şəxsi futbol marağı barədə sualın cavabında səfir deyib ki, əslən Mançesterə yaxın olan şəhərdəndir.

"Bizim şəhərin sakinləri ənənəvi olaraq "Mançester Yunayted"ə, ya da "Mançester Siti"yə azarkeşlik edirlər. Şəxsən mən heç birinə azarkeşlik etmirəm, ancaq oğlum "Mançester Yunayted"in azarkeşidir", - o qeyd edib.-71C-