Böyük Britaniya Azərbaycanla əməkdaşlığın inkişafına mühüm önəm verir və 2012-ci il iki ölkə arasında diplomatik əlaqələrin 20 illiyinin tamam olması ilə yadda qalıb. Bu barədə sentyabrın 26-da Böyük Britaniyanın Azərbaycandakı səfiri Piter Beytman kraliça II Yelizavetanın doğum günü münasibətilə Four Seasons otelində keçirilən qəbulda bildirib.
Səfir Azərbaycanın BMT TŞ-də qeyri-daimi üzvlüyünün başlanmasını ilin mühüm hadisəsi adlandırıb. O ümidvar olduğunu bildirib ki ikitərəfli əlaqələr gələcəkdə də genişləndiriləcək.
Öz növbəsində Azərbaycanın informasiya və texnologiyalar naziri Əli Abbasov ötən iyirmi il ərzində Böyük Britaniyanın ölkə iqtisadiyyatının inkişafına, əsasən enerji sektorunun inkişafına verdiyi töhfəni xatırladıb. O, neft-qaz resurslarının kəşfiyyatında və işlənməsində BP-nin iştirakını xüsusilə vurğulayıb.
Ə.Abbasov deyib ki, siyasi, mədəni, təhsil, humanitar sahələrdə də ikitərəfli münasibətlər inkişaf edir. Nazir çoxsaylı azərbaycanlı tələbənin Britaniya universitetlərində təhsil aldığını qeyd edib.
O, bütün sahələrdə ikitərəfli münasibətlərin gələcəkdə genişlənməsinə ümidvar olduğunu bildirib.--0--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz