BQXK Qarabağ ermənilərinə 70 ton humanitar yardım çatdırıb
Bakı/23.09.23/Turan: Təqribən 70 ton humanitar yük Şənbə günü, 23 sentyabr tarixində Beynəlxalq Qızıl Xaç Komitəsinin (BQXK) karvanı ilə Laçın yolu ilə keçib.
Ehtiyacı olan icmalar üçün nəzərdə tutulan humanitar yükə 66 ton un, 2700 kq duz, 450 kq quru maya və 375 litr günəbaxan yağı daxildir.
BQXK komandası şənbə günü, həmçinin, döyüşlərdə yaralanmış 17 nəfərin tibbi təxliyəsini də həyata keçirib. Komanda yerli xəstəxanaya tibbi ləvazimatlar və ölənlərlə ləyaqətli rəftar üçün meyit torbaları çatdırıb.
BQXK bu humanitar fəaliyyətləri öz neytral vasitəçi roluna görə həyata keçirə bilir. BQXK, silahlı münaqişə vəziyyətləri zamanı qəbul olunmaq və mümkün olan ən çox insana vacib olan işi həyata keçirmək üçün bütün iştirakçılarla dialoq aparır.
Bu yaxınlarda əldə edilmiş atəşkəsə baxmayaraq, hərbi eskalasiyanın humanitar nəticələri regionda hələ də hiss olunur. Ailələr əlaqə itirdikləri qohumlarını, o cümlədən, müşayiətsiz qalan uşaqları axtarırlar. İcmalar köçürülüb, qohumlar meyitləri basdırmaq üçün kömək istəyir və əsas malların və səhiyyə xidmətlərinin olmaması həyatı çətinləşdirir.
Humanitar ehtiyacların miqyasını nəzərə alaraq, BQXK səhiyyə, məhkəmə-tibbi ekspertiza, humanitar müdafiə məsələləri, silahlar və partlamamış sursatlarla bağlı təhlükəsizlik məsələləri üzrə ixtisaslaşmış kadrları əlavə etməklə regiondakı iştirakını artırır.
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz