Bakı/23.09.23/Turan: Görünür, Qarabağdakı erməni silahlı qüvvələrinin heç də hamısı atəşi dayandırmaq və silahlarını təhvil vermək tələbinə tabe olmayıb. Belə ki, sentyabrın 23-də Rusiya sülhməramlı kontingenti (RSK) Ağdərə istiqamətində atəşkəs rejiminin pozulmasını qeydə alıb. Atışma nəticəsində Azərbaycan Silahlı Qüvvələrinin bir hərbi qulluqçusu yaralanıb.
“Rusiya sülhməramlı kontingentinin komandanlığı Azərbaycan tərəfi və Qarabağ nümayəndələri ilə birgə bu faktla bağlı araşdırma aparır”, - deyə məlumatda bildirilir.
Eyni zamanda, həmin mənbənin bildirdiyinə görə, hərbi əməliyyatların dayandırılması ilə bağlı əldə edilmiş razılaşmaların icrası məqsədilə Qarabağın silahlı birləşmələri Rusiya sülhməramlılarının nəzarəti altında silah və hərbi texnikanın təhvil verilməsini davam etdirib.
Sentyabrın 23-nə olan məlumata görə, altı ədəd zirehli texnika, 800-dən çox atıcı silah, tank əleyhinə silahlar, 22 minə yaxın döyüş sursatı təhvil verilib.-0-
Siyasət
-
Yanvarın 22-də Azərbaycanın xarici işlər naziri Ceyhun Bayramov Böyük Britaniyanın xarici işlər, ittifaq və inkişaf məsələləri üzrə dövlət katibi Devid Lemmi ilə telefonla danışıb.
-
“Kanal-11” Youtube kanalının rəhbəri Teymur Kərimovun işi üzrə məhkəmə iclaslarının protokolları saxtalaşdırılıb. Bu barədə onun bəyanatında deyilir. Bəyanatı Kərimovun həmkarları yayıblar.
-
Bakı şəhəri Nizami, Qaradağ və Binəqədi rayon prokurorluqlarının gördüyü tədbirlər nəticəsində bir sıra kənd təsərrüfatı məhsulları ixracatçılarının əldə etdikləri pul vəsaitləri ölkəyə qaytarılıb.
-
Yanvarın 22-də Davosda İqtisadi Forum çərçivəsində Azərbaycan və Ukrayna prezidentlərinin görüşü olub.
Rəy yaz