Hikat Hajiyev and Armen Grogoyan
Brüsseldə Hikmət Hacıyev və Armen Qriqoryanın görüşü olub
Bakı/31.03.22/Turan: Çərşənbə günü Avropa İttifaqı Brüsseldə Ermənistan və Azərbaycanın yüksək vəzifəli rəsmi şəxslərinin görüşünü təşkil edib. Məqsəd iki ölkə arasında bəzi məsələlərin həlli yollarının axtarışını birgə səylərlə fəallaşdırmaq olub. Əsasən Avropa İttifaqı Şurasının prezidenti Şarl Mişel, Azərbaycan prezidenti İlham Əliyev və Ermənistanın baş naziri Nikol Paşinyanın 2022-ci il aprelin 6-da Brüsseldə keçiriləcək görüşünə hazırlıq məsələləri müzakirə edilib. Bu barədə cümə axşamı Avropa İttifaqının Xarici Əlaqələr Xidmətinin məlumatında deyilir.
“Ermənistan Təhlükəsizlik Şurasının katibi Armen Qriqoryanla Azərbaycan prezidentinin köməkçisi Hikmət Hacıyevin görüşü Avropa İttifaqının Cənubi Qafqaz üzrə xüsusi nümayəndəsi Toyvo Klaarın iştirakı ilə keçirilib.
Hacıyev və Qriqoryan arasında ayrıca ikitərəfli söhbət də daxil olmaqla, predmetli müzakirələr zamanı iştirakçılar siyasi və təhlükəsizlik sahəsində vəziyyəti, eləcə də 14 dekabr 2021-ci ildə Brüsseldə iki ölkə liderinin və prezident Mişelin görüşü zamanı əldə olunmuş razılaşmalarla əlaqədar Ermənistan və Azərbaycan arasında məsələlərin bütün spektrini nəzərdən keçiriblər.
İştirakçılar ölkələr arasında sülh sazişinin perspektivlərilə bağlı məsələlərin müzakirəsini davam etdirmək üçün yaxın həftələrdə yenidən görüşmək barədə razılığa gəliblər. -02D-
-
- Maliyyə
- 31 Mart 2022 11:24
-
- İqtisadiyyat
- 31 Mart 2022 11:40
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz