Bu ilin sonunadək bütün döyüş texnikalarının vahid sistemə çevrilməsi planlaşdırılır

Bakı/27.08.22/Turan: Azərbaycan Ordusunun rabitə sistemləri imkanlarının inkişaf etdirilməsi məqsədilə həyata keçirilən tədbirlər davam etdirilir. Bu barədə Müdafiə Nazirliyinin yaydığı məlumatda deyilir.
Vurğulanır ki, ordunun bölmələri müasir rəqəmsal rabitə vasitələri ilə təchiz edilib, işğaldan azad edilən ərazilərdə dislokasiya olunan bölmələrin idarə edilməsində dünyanın ən qabaqcıl ölkələrindən alınan rabitə texnika və vasitələrindən istifadə olunur.

Orduda dayanıqlı rabitənin təşkili və qoşunların gizli idarəedilməsi yüksək səviyyədə həyata keçirilir, qarşı tərəfin radioelektron mübarizə (REM) vasitələrinə qarşı dayanıqlı yeni rabitə vasitələri alınaraq istifadəyə verilib.

Azərbaycan Ordusunun silahlanmasına, həmçinin bir çox mobil rabitə kompleksləri də daxil edilib, döyüş texnikalarındakı rabitə vasitələri müasir radiostansiyalarla əvəzlənir ”Cari ilin sonunadək bütün döyüş texnikalarının vahid sistemə çevrilməsi planlaşdırılır.  Hazırda bu istiqamətdə görülən işlər davam etdirilir. Eyni zamanda Azərbaycan Ordusunun silahlanmasında olan döyüş texnikalarındakı rabitə vasitələri müasir radiostansiyalarla əvəzlənir. Bu ilin sonuna kimi bütün döyüş texnikalarının vahid sistemə çevrilməsi planlaşdırılır”, deyə məlumatda vurğulanır.

Ümumilikdə, isə rabitə işinin daha da təkmilləşdirilməsilə əlaqədar komandanlıq qarşısında qoylan tapşırıqlar yüksək peşəkarlıqla icra olunur.-05D-