Yaponiya Səfirliyi  3 layihənin təqdimat mərasimi həyata keçiriləcək

Bakı/27.08.22/Turan: Yaponiya Səfirliyi  bildirirki, 30-31 tarixlərində Ucar, Ağdam və Qazax rayonlarında Yaponiya Səfirliyinin “Ot kökləri və İnsan Təhlükəsizliyi Qrant Yardımı” Proqramı çərçivəsində maliyyələşdirilmiş 3 layihənin təqdimat mərasimi həyata keçiriləcəkdir:

1) Ucar rayonunun Bərgüşad kəndində yeni tikilmiş Ailə Sağlamlıq Mərkəzinin təqdimat mərasimi  ( 30 avqust, saat 11:40  başlayır).

layihənin məqsədi Bərgüşad kəndində ginekologiya, stomotologiya, tibbi müayinə və tibb bacısı otaqlarına malik Ailə Sağlamlıq Mərkəzinin inşa edilməsi ilə Bərgüşad, Yuxarı Şilyan, Bağban, Boyat kənd sakinlərinə göstərilən tibbi xidmətin əlçatanlığının daha da yaxşılaşdırılmasının təmin edilməsidir. Bu layihənin icra olunması üçün Yaponiya hökuməti 146,864 manat (86,391 ABŞ dolları) məbləğində qrant ayırmışdır.

2) Ağdam rayonunun Ballar kəndində bərpa olunmuş suvarma sisteminin təqdimat mərasimi ( 30 avqust, saat 15:30 başlayır).

Ağdam rayonunun 9 kəndində suvarma sisteminin bərpa olunması  layihəsində məqsəd Ağdam rayonunun Quzanlı, Alıbəyli, Ballar, Birinci Yüzbaşlı, Bəybabalar, Böyükbəyli, İmamqulubəyli, Kəlbəhüseynli, Eyvazlı kəndlərinin istifadəyə yararsız quyu tipli artezian suvarma sistemini bərpa edərək sözügedən 9 kənddə istifadəsi dayandırılmış kənd təsərrüfatına yararlı torpaq sahələrindən yenidən istifadə olunması nəticəsində fermerlərin gəlirlərinin artırılmasının təmin edilməsidir. Bu layihənin icra olunması üçün Yaponiya hökuməti 152,699 manat (89,823 ABŞ dolları) məbləğində qrant ayırmışdır.

3) Qazax rayonunun Bala Çaylı kəndində yeni inşa olunmuş suvarma sisteminin təqdimat mərasimi (31 avqust saat 10:30).

“Qazax rayonunun Bala Çaylı kəndində suvarma sisteminin quraşdırılması”  layihəsində məqsəd Qazax rayonunun Bala Çaylı kəndində suvarma sistemini quraşdıraraq Bala Çaylı, Ürkməzli və Dəmirçilər kəndlərinin kənd təsərrüfatı torpaqlarının suvarma suyu ilə təmin olunması nəticəsində kənd təsərrüfatı sahəsinin inkişafı və fermerlərin gəlirlərinin artırılmasına töhvə verməkdir

Bu layihənin icra olunması üçün Yaponiya hökuməti quyu, su nasosu, su çəni, su boruları,su paylama nöqtələri və günəş enerjisi panellərinin quraşdırılması üçün lazım olan 152,826 manat (89,898 ABŞ dolları) məbləğində qrant ayırmışdır.

İndiyə qədər Azərbaycan Respublikasında ”Ot Kökləri və İnsan Təhlükəsizliyi Qrant Yardımı Proqramı”  çərçivəsində  icra olunmuş layihələrin ümumi sayı 278 olmaqla, ümumi qrant məbləği isə 39,865,000 AZN-i (23,450,000 ABŞ dolları) keçmişdir.

Təqdimat mərasimlərində media nümayəndələrinin iştrakı arzuolunandır.

İştrak və ətraflı məlumat üçün müvafiq Rayon İcra Hakimiyyəti ilə əlaqə saxlamağınız xahiş olunur. -0-