Cümə axşamı dövlət başçısı İlham Əliyev AFR Bundestaqının Cənubi Qafqaz üzrə Dostluq Qrupunun sədri Karin Ştrentsin başçılıq etdiyi nümayəndə heyətini qəbul edib.
Əliyev ikitərəfli münasibətlərin yüksək səviyyədə olduğunu və bu əməkdaşlığın gələcəkdə də genişləndirilməsi üçün qarşılıqlı səfərlərin əhəmiyyətini qeyd edib.
Karin Ştrents öz növbəsində iyunda Bakıda keçiriləcək Avropa Oyunlarını izləmək istəyini ifadə edib.
“Biz çalışacağıq ki, ikili standartlar olmasın, ədalətli mövqe olsun. İkili standartlar bizi də narahat edir”, deyə o qeyd edib.
İlham Əliyev bildirib ki, Birinci Avropa Oyunları ərəfəsində ədalətsiz mövqe Olimpiya Oyunlarının nizamnaməsinə uyğun deyil, ikili standartlar isə ictimai rəyə mənfi təsir edir.
Görüşdə Azərbaycanın Avropa İttifaqı ilə energetika sahəsində əməkdaşlığı məsələsinə də toxunulub, TANAP və TAP kimi böyük energetika layihələrinin əhəmiyyəti, Qarabağ nizamlanması məsələləri vurğulanıb. -02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz