Cəmil Həsənlinin konqresmen Cim Moranla görüşü (YENİLƏNİB)

ABŞ-da səfərdə olan Azərbaycanın müxalifətdən prezidentliyə namizədi Cəmil Həsənli dünən Şimali Virciniyalı konqresmen Cim Moranla görüşüb.

AZAD (Demokratiya uğrunda Amerika Azərbaycanlıları) ictimai təşkilatının saytında yer alan məlumata görə, müzakirə mövzusu Azərbaycanda seçkisonrası vəziyyət, siyasi məhbuslar problemi və ölkədə insan hüquqları sahəsində vəziyyət olub.

Həsənli qeyd edib ki, Azərbaycanda siyasi azadlıqlar getdikcə daha çox məhdudlaşdırılır. Beynəlxalq ictimaiyyət Azərbaycan hakimiyyətinə təzyiq göstərməsə, bu proses dayanmayacaq. O, həmçinin konqresmeni siyasi məhbusların azad edilməsi məsələsini qaldırmağa çağırıb.

Cim Moran yaranmış vəziyyəti başa düşdüyünü bildirib və Azərbaycanda demokratlara dəstək ifadə edib. -025D-

2013 Noyabr 18 (Bazar ertəsi) 12:20:04

Milli Şuranın lideri, birləşmiş müxalifətin prezidentliyə keçmiş namizədi Cəmil Həsənlinin noyabrın 12-də ABŞ-a səfəri başlayıb. Bu barədə C.Həsənlinin rəsmi İnternet səhifəsi məlumat yayıb.  

Xəbərdə deyilir  ki, səfər 10 gün davam edəcək. Səfər çərçivəsində C.Həsənli ABŞ rəsmiləri, ictimai qurumların nümayəndələri ilə görüşlər keçirəcək. Görüşlər zamanı Azərbaycanda keçirilən prezident seçkiləri və Milli Şura ilə bağlı müzakirələr aparılacaq. -03D-