Azərbaycan banklarının dövriyyədə olan aktiv plastik kartlarının sayı 2013-cü ilin sentyabrında 16 min ədəd artaraq 5347 minə çatıb. İllik artım 8,7% olub.
Beləliklə, ölkədə 1000 nəfərə (yetkinlik yaşına çatnış) orta hesabla 891 aktiv plastik kart düşür (bir il əvvəl 820 idi).
Yanvar-sentyabrda kart sahibləri 7323 mln manatlıq 48503 min əməliyyat keçiriblər. Ödənişlərin ümumi sayı 17,5%, onların həcmi 15,6% artıb. Kredit kartları ilə əməliyyat sayı 2,4 dəfə artaraq 6811 min, dövriyyə 55,2% artaraq 1189 mln manat olub. Kart əməliyyatlarının əsas hissəsi yenə bankomatların payına düşüb – 6110 mln manatlıq 37847 min tranzaksiya. Bunun 98,8%-i nağd pul çıxarılması əməliyyatıdır.
Kartlara 2396 bankomat və 35152 POS-terminal vasitəsilə xidmət göstərilib. İl ərzində birincilərin sayı 7,37% artıb, ikincilərinki 4,2% azalıb.
1 oktyabr 2013-cü il üçün Bakıda 1355 АТM və 31068 POS-terminal qurulub. Xidmət sahəsi obyektlərində 33752 POS-terminal fəaliyyət göstərir, onların 30234-ü Bakıdadır. --15В--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz